मत्तायोस 4:3 - पुना गच्छरना NT (BSI)

³ आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।”

मत्तायोस 4:3 ပူးပေါင်းရင်းမြစ်များ

मत्तायोस 14:33

अदही ख़ॊख़ा डोंगा नू रहचर आर आसिन ओलगर बाचर, “मानिम नीन धर्मेसी ख़द्दय हिकदय।”

मत्तायोस 16:16

ख़ने सिमॊन पतरस आनाकिर्ताचस, “नीन मसी, उज्‍जना धर्मेसी ख़द्दय हिकदय।”

मत्तायोस 26:63

लिकिन येसुस कलेकले रहचस। ख़ने कोहाँ नैगस आसिन बाचस, “ऎन निंगन उज्‍जना धर्मेस ती किरिया मॊख़दन का नीन धर्मेसी ख़द्दय मसी हिकदय होले नीन उज्‍जना धर्मेस ती किरया मॊख़ा।”

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

मरकुस 1:1

ईद धर्मेसी ख़द्दस येसु मसीसी दौ कत्‍था।

मरकुस 3:11

एकाबारी मलदौ बॊलता गुट्ठी ईरिया ख़ने धरचका आलारिन आसी मुन्‍दहारे टिड्डा ती चिच्चि‍यारनुम बाचा, “नीन धर्मेसी ख़द्दय हिकदय।”

मरकुस 5:7

ख़ने येसुस आसिन बाचस, “हे मलदौ बॊलता, ई आलस ती उरखय बरय।” ख़ने आस चिच्चि‍यारनुम बाचस, “हे येसु! उर्मी ती कोहाँ धर्मेसी ख़द्दायो, एंग्‍है गने निंगा एन्‍देर नलख? ऎन धर्मेसी नामे ती किरया मॊख़दन का एंगन दुक्‍खे अमा चि'आ।”

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 22:70

तहाँ आर ओर्मर बाचर, “होले नीन धर्मेसी ख़द्दय हिकदय का?” ख़ने आस बाचस, “नीमिम ब'आलदर का ऎन हिकदन।”

लू‍कस 4:3

ख़ने नाद येसुसिन बाचा, “नीन धर्मेसी ख़द्दय होले, ई पखनन ब'आ का ईद ओन्ना-मॊख़ना मनो क'ओ।”

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।

लू‍कस 4:9

तहाँ नाद आसिन येरुसलॆम नगरे कड़हाबाचा ती धर्मेसी मन्दिर ही अग्‍गी नू इजताचा, अरा बाचा, “नीन धर्मेसी ख़द्दय होले, नीन डेग'आ चि'आ।

यॊहनस 1:34

इदन ऎन ईरकन, अरा गोवाह चि'अदन का ईस दिम धर्मेसी ख़द्दस।”

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 9:35

यहूदी मुद्धर आसिन गोड़हा एड़पा ती ओथ्रर चिच्‍चर एन्ने येसुस मेंजस। अरा येसुस आसिन ख़क्‍खियस ख़ने, आसिन बाचस, “नीन मनवा ख़द्दस मइय्याँ पत्त'अदय का?”

त‍इरकर 9:20

आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।”

2 कोरिन्‍थ 1:19

सीलास अरा तीमोथियुस अरा ऎन निम्‍है मझी नू तिंका धर्मेसी ख़द्दस येसु मसीस, “हाँ” एन्ने बाचका ख़ॊख़ा “मला” एन्ने ब'ऊ मलदस। लिकिन “हाँ” एन्ने ब'अदस होले, आस नू आद सगरो “हाँ” र'ई।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।

इब्रानी 12:16

‍अरा नॆ हूँ भड़वा नलख अमा नना, अरा एसावस लेक्‍खा बिगर महबा आल अमा मना, एकास ओंग्‍होन ता मंडी गे तंग्‍है जेट्ठा ही अदिया आबोन बीसियस चिच्‍चस।

इब्रानी 4:14

नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।

इब्रानी 7:3

ईसी बंगस महले ईसी अयंग महले ईसी खूंटी महले ईसी उज्‍जना ही ऒर महले ईसी उज्‍जना ही मुंज्रना ही पत्त नू नॆ हूँ बलनर। ईस धर्मेसी ख़द्दस लेक्‍खा उर्मी उल्‍ला गे नैगस कम्रका र'अदस।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।