मत्तायोस 3:9 - पुना गच्छरना NT (BSI)

⁹ नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस।

मत्तायोस 3:9 ပူးပေါင်းရင်းမြစ်များ

मरकुस 7:21

एन्‍देरगेका आलर जिया नू मलदौ सोचनर। ई चड्डे आर पेहरन ही सोतरा नलख नन्नर अरा आर ख़ड़नर, आल पिटनर, नन्ना आली गुसन कानर,

लू‍कस 12:17

ख़ने आस सोच'आ हेलरस, ऎन एन्‍देर ननोन? एंग्‍है खुर्जिन उइय्या गे अड्डा मल्‍ला।

लू‍कस 16:24

ख़ने आस चिच्चियारस ती बाचस, ‘अना बंग अब्राहम, एंगन सोग्‍गे ऎरा, अरा लाजरसिन त‍इय्या चि'आ का आस तंग्‍है अंगलिन अम्म नू बोथारकी एंग्‍है ततख़न कीरत'ओस, एन्‍देरगेका ऎन ई चिच्‍ची नू कलपार'आ लगदन।’

लू‍कस 19:40

येसुस आनाकिर्ताचस, “ऎन निमन ब'अदन, ईर ठकर'ओर होले पखना चिच्चि‍यार'आ हेलर'ओ।”

लू‍कस 3:8

जियन किर्त'अना ही जॊगे नलख नना। नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस!

लू‍कस 5:22

लिकिन येसुस आर ही जिया ता कत्‍थन अक्‍खस ती आरिन बाचस, “नीम निम्‍है जिया नू एन्‍देरगे सोच'आलदर?

लू‍कस 7:39

येसुसिन मंडी ओना गे मीख़का आ फरिसीस तंग्‍है जिया नू सोच'आ हेलरस का, “ईस धर्मेसी कत्‍था तिंगुस रहचका होले अख़'ओस दने का आसिन ऎंसड़'आ लगी आद नॆ तंग्‍है अरा एकासे मुक्‍का हवे, अरा आद गा मलदौ आली हवे।”

यॊहनस 8:33

ख़ने आर आसिन बाचर, “ऎम अब्राहमसी बनस ता हिकदम, ऎम इकला हूँ नॆख'आ हूँ बिट्ठी ननू जॊंख़ मल रहचकम। अन्ने होले ऎम छछिन्‍द मनोम एन्ने नीन एकासे ब'आ ओंग्‍दय?”

यॊहनस 8:37

ऎन अख़दन का नीम अब्राहमसी बनस हिकदर, अन्नु हूँ नीम एंगन पिटा गे बेद्ददर, एन्‍देरगेका नीम एंग्‍है सिखाब'अनन मल इंझ्रदर।

यॊहनस 8:53

नीन एम्‍है बंगस अब्राहमस ती कोहँस हिकदय का? आस केच्‍चस, अन्नेम धर्मेसी कत्‍था तिंगुर हूँ केच्‍चर। नीन निंगन नॆ सोचदय?”

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

त‍इरकर 15:14

सिमॊनस नमन तिंगियस का धर्मेस नन-यहूदीर ती जोक्क आलारिन तंगा गे चज्जियस ती पहिल खेप एकासे सोग्‍गे ईरियस।

रोमी 4:1

नाम एन्‍देर ब'ओत, नम्‍है यहूदीर ही पुरखा बंगस अब्राहमस पत्त'अना ही पत्त नू एन्‍द्रा सिख्रस?