8 जियन किर्त'अना ही जॊगे नलख नना।
एन्देरगेका यॊहनस गा उज्जा गे उजगो डहरेन ऎद'आ गे निम्है गुसन बरचस। आसिन नीम मल पत्ताचकर, लिकिन ऊज'उर अरा खिल्डिर आसिन पत्ताचर। अन्ति नीम इदिन ईरकर ती ख़ॊख़ा हूँ आसिन पत्त'आ गे मल पस्तारकर।
जियन किर्त'अना ही जॊगे नलख नना। नीम तम्है तम्है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस!
औंगे मुन्द गा ऎन दमसकोस, फिन येरुसलॆम ता र'ऊ आलारिन, अदही ख़ॊख़ा सौंसे यूदेया राजी नू, अरा नन-यहूदीर नू हूँ तेंगा कुद्दकन का आर जियन किर्त'अना र'ई अरा जिया किर्त'अना ही जॊगे नलख नन्ना र'ई।
एन्देरगेका मुन्द नीम ऊख़ा रहचकर, लिकिन अक्कु नीम उर्बासी र'अना ती बिल्ली र'अदर। औंगे बिल्लिन ता ख़द्दर लेक्खा ऎका।
एन्देरगेका बिल्ली ही ख़ंजपा नू उर्मी दौ अरा उजगो अरा मानिम र'ई।
अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।
