मत्तायोस 3:7 - पुना गच्छरना NT (BSI)

⁷ यॊहनस बग्‍गे फरिसीर अरा सदुकीरिन नॊड़र'आ गे तंग्‍हा हेद्दे बरनन ईरीयस ती आरिन बाचस, “अना बिक्‍ख नेर्रे बेसे आलारो, पाप नन्नन बिगर अम्‍बका ‍ती धर्मेसी बरना दंडे ती बोंगा गे निमन निक‍ईम चेता बाचर का?

मत्तायोस 3:7 ပူးပေါင်းရင်းမြစ်များ

मत्तायोस 12:24

लिकिन फरिसीर इदिन मेंजर ती बाचर, “ई आलस गा नाद गुट्ठी ही मुद्धस बॆलजेबूल ती नाद गुट्ठिन ओथ्रदस।”

मत्तायोस 12:34

अना नेर्र लेक्‍खा बिक्‍ख उइय्‍यु आलारो! नीम मलदौ मनरकी एकासे दौ कत्‍था ब'आ ओंग्‍दर? एन्‍देरगेका एन्‍द्रा जिया नू निन्‍दकी र'ई आदिम ब‍ई ती उरखी।

मत्तायोस 15:12

तहाँ आसी चेलर बरचर ती आसिन बाचर, “एन्‍देर नीन अख़दय का फरिसीर ई कत्‍था चड्डे मुड्डियर?”

मत्तायोस 16:1

उन्‍दुल फरिसीर अरा सदुकीर येसुस गुसन बरचर ती आसिन बिढ़'आ गे आसिन बाचर, “एमन मेर्ख़ा ता इन्द्रिइम अकबक ही चिन्‍हा ऎद'आ।”

मत्तायोस 16:6

येसुस आरिन चेताबाचस, “ऎरा, नीम फरिसीर अरा सदुकीर ही बिदगी ही पत्त नू बड़ियर र'अके।”

मत्तायोस 22:15

फेन फरिसीर केरर ती भेंट मंजर ती कछनख्रर का येसुसिन आसी कत्‍था ती एकासे बझाब'ओत।

मत्तायोस 22:23

अउलम, केचका ख़ॊख़ा उज्‍जा चो'अना र'अम मलकी ब'ऊ सदुकीर येसुस गुसन बर'अरकी मेंजर,

मत्तायोस 22:34

येसुस सदुकीर ही बईन उट्टस ब'अरकी फरिसीर मेंजर ख़ने, आर ख़ॊंड़रर ती भेंट मंजर।

मत्तायोस 23:33

अना नेर्रे अरा करैत गुट्ठी लेक्‍खा बिक्‍ख ती निन्‍दका आलारो, नीम नरक ही मुंजा मलका दंडे ती एकासे बछ्र'ओर?

मत्तायोस 5:20

ऎन निमन ब'अदन का निम्‍है नलख यहूदी नॆग सिखाब'उर अरा फरिसीर ती दौ मल र'ओ होले नीम मेर्ख़ा राजी नू इकला हूँ मल कोर'ओर।

मरकुस 12:13

फिन यहूदी मुद्धर येसुसिन कत्‍था नू बझाब'आ गे जोक्को फरिसीर अरा हॆरॊदॆरिन आसी गुसन त‍इय्‍यर।

मरकुस 12:18

जोक्‍क उल्‍ला ख़ॊख़ा, केचका ख़ॊख़ा उज्‍जा चो'अना र'अम मलकी ब'ऊ सदुकीर येसुस गुसन बर'अरकी मेंजर,

मरकुस 8:15

येसुस आरिन चेताबाचस, “ऎरा, नीम फरिसीर अरा हॆरॊदॆर ही बिदगी ही पत्त नू बड़ियर र'अके।”

लू‍कस 16:14

फरिसीर नॆ ढिबा ही चिबाख़ार'ऊ रहचर, आर इबड़ा कत्‍थन मेंजर ती येसुसिन भेसड़'आ हेलरर।

लू‍कस 18:11

फरिसीस गा इज्‍जस ती एन्ने गोहरारस, ‘अना धर्मे, ऎन निंगन धन्‍यवाद नन्‍दन का ऎन नन्ना आलर लेक्‍खा ख़ड़'ऊ, अरा मलदौ ननू अरा भडुवा मलदन महले ई ऊज'उस लेक्‍खा हूँ मलदन।

लू‍कस 7:30

लिकिन फरिसीर अरा नॆग सिखाब'उर तमन यॊहनस ती नॊड़रत'आ गे मल चिच्‍चर, अदही चड्डे तमा गे धर्मेसी मने आबोन तरकूटी नंजर चिच्‍चर।)

यॊहनस 1:24

फेन तइय्‍का रहचका जोक्‍क फरिसीर यॊहनसिन मेंजर,

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

यॊहनस 9:40

जोक्‍क फरिसीर आसी गने रहचर, आर इदन मेंजर ती बाचर, “ऎम हूँ अन्धहा र'अदम का?”

त‍इरकर 15:5

लिकिन फरिसीर ही खोंड़हा ता जोक्‍क पत्त'ऊ आलर इज्‍जर ती बाचर, “नन-यहूदी पत्त'ऊ आलर खतना नन्ना दिम र'ई अरा मूसासी पॆसकन पॆस्रना र'ई।”

त‍इरकर 20:31

इदगे एज्रका र'आ अरा सुरता नना का ऎन तीन बछर गूटी उल्‍ला माख़ा चींख़ा चींख़ा ओर्त ओर्तारिन चेताब'आ गे मल अम्‍बकन।

त‍इरकर 26:5

आर एंगन नगदे उल्‍ला ती अख़नर। आर बेद्दनर होले, एंग्‍है गोवाह हूँ चि'आ ओंग्‍नर का ऎन फरिसी मंजकन ती एकासे नम्‍है धरम ही कोड़हे ठिम-ठिम खोंड़हा ही लेक्‍खा उज्‍जा लिक्‍कन।

त‍इरकर 5:17

तहाँ कोहाँ नैगस अरा आसी गने रहचका संगेर सदुकी आलर कैर ती भरमारर केरर।

रोमी 1:18

नॆ मलदौ ती मानिम आबोन अर्बनर उइय्‍नर आर ही मलदौ अरा धर्मेसिन महबा मल नना ही बिड़दो नू धर्मेसी खींस मेर्ख़ा ती दहदर म‍नी।

रोमी 5:9

अक्‍कु गा नाम मसीसी ख़ॆंस ती उजगो मंजका र'अदत होले आस नमन धर्मेसी ख़ीस ती नाड़ोस दिम।

1 थेस्‍सलोनिकॆयर 1:10

अरा नीम आसी तंग्‍दासी मेर्ख़ा ती बरना ही पाब ऎरालदर, नॆकन धर्मेस केचका ती उज्‍जताचस। आसिम येसुस हिकदस नॆ नमन बरना नेंवई ही खींस ती बछाब'अदस।

इब्रानी 11:7

पत्त'अना ती नूहस आ बेड़ा गूटी मल ऎथ्रका कत्‍था गुट्ठी ही चेता ब'अनन ख़क्‍खियस ती धर्मेसिन मन्‍चस। अरा आस तंग्‍है एड़पातारिन बया बड़ही ती बछर'आ गे कोहाँ डोंगा कमचस। अरा आस तंग्‍है पत्त'अना ती आ बेड़ा ता ख़ॆख़ेल ता उर्मी आलारिन बदी ठेकाबाचस, अरा पत्त'अना ती मनी आ उजगो आबोन ख़क्‍खियस।

इब्रानी 6:18

औंगे धर्मेस गच्‍छरस अरा किरया मोक्‍खस। इबड़ा ऎंड़ कत्‍था मल बदलार'ओ, एन्‍देरगेका धर्मेस ती ठकवा ब'अना कहियों मल मनो। औंगे नम्‍है मुन्‍दहारे उइय्का र'ई आ असरा आबोन ख़क्‍खा गे नाम धर्मेस हेद्दे बोंगालदत। नमन बड़ियर गने रिझ्रत'आ गे धर्मेस एन्ने नंजस।

1 यॊहन 3:10

इत्रु ती नाम ब'आ ओंग्दत का नॆ धर्मेसी ख़द्दर अरा नॆ नाद ही ख़द्दर। एका ओर्तस उजगो नलख गुट्ठिन मल नन्दस, अरा तंग्है संगे मसी भईस गने चोन्हा मल नन्दस, आस धर्मेसी ख़द्द मलदस।