मत्तायोस 3:6 - पुना गच्छरना NT (BSI)

⁶ असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

मत्तायोस 3:6 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मरकुस 1:5

येरुसलॆम नगरे अरा यूदेया जिला ही नन्ना नन्ना अड्डा ती नगदे आलर आसी गुसन कालालियर। असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

लू‍कस 1:16

आस नगदे इस्राऎल आलारिन आर ही धर्मेस उर्बस तरा किर्त'ओस।

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

त‍इरकर 11:16

तहाँ एंगा उर्बासी बाचका आ कत्‍था सुरता बरचा, ‘यॊहनस अम्मु ती नॊड़रत'आ लगियस लिकिन नीम नेम्‍हा बॊलतस ती नॊड़तार'ओर।’

त‍इरकर 19:18

अबड़र ती बग्‍गे आलर नॆ पत्ताचकाचर, आर बरचर ती तम्‍है मलदौ नलख गुट्ठिन परगट रूप नू हुकमारर।

त‍इरकर 22:16

अक्‍कु एन्‍देरगे दिरी नन्‍दय? चो'आ नॊड़र'आ, अरा आसी नामे ती गोहरारना ती निंग्‍है पाप गुट्ठिन नॊड़ा चि'आ।’

1 कोरिन्‍थ 10:2

अरा आर ओर्मर बदाली ही ऎख़ नू काना अरा समुदरन कट्टरकी काना मूसासी चॊख़र'उर मना गे नॊड़रत'अना लेक्खा रहचा।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

इब्रानी 6:2

अरा नॊड़ना मंजना गुट्ठी ही पत्त ता सिखाब'अना, अरा पत्त'ऊ आलर ही म‍इय्याँ ख़ेक्खा गुट्ठी उइय्ना, अरा केच्‍कर ही उज्‍जा चो'अना, अरा धर्मेसी रायबड़ी ती जनमजुग ख़क्‍ख्रना ही पत्त ता कत्‍था।

इब्रानी 9:10

अबड़ा गा ओन्ना-मॊख़ना ही आलॊ गुट्ठी अरा रकम रकम ही नॊड़ना मंजना ही मॆद ही चाल गुट्ठी हवे, एकदा पुना नॆत बरना गूटी गा नलख मनी।

याकॊब 5:16

औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।

1 यॊहन 1:9

लिकिन नाम नम्है पाप गुट्ठिन आसिन तेंग्र'ओत होले, आस नम्है पाप गुट्ठिन छमा नना गे, अरा नमन नम्है उर्मी मलदौ ती निमन नना गे पत्त'अना जॊगे अरा पूरेम दौले र'अस।