मत्तायोस 3:5 - पुना गच्छरना NT (BSI)

⁵ येरुसलॆम नगरे ती अरा गोट्टा यूदेया जिला ही नन्ना नन्ना अड्डा ती अरा यरदन ख़ाड़ ही अड्डे-बेड्डे ती बग्‍गे आलर आसी गुसन कालालियर।

मत्तायोस 3:5 ပူးပေါင်းရင်းမြစ်များ

मत्तायोस 2:1

हॆरॊदॆस बॆलासी उल्‍ला नू यूदेया जिला ता बॆतलहेम पद्दा नू येसुस कुन्‍द्रस। अबड़ा उल्‍ला नू पुरुब राजी गुट्ठी तरती जोक्को लूरगर आलर येरुसलॆम बरचर ती मेना हेलरर,

मत्तायोस 4:25

गलिलेया जिला, देकापोली, येरुसलॆम, यूदेया जिला दरा यरदन ख़ाड़ ही आ पक्‍खे ती बरचका ओन्टा कोहाँ गोंहड़ा येसुसी ख़ॊख़ा गुड़ियारा।

मरकुस 1:5

येरुसलॆम नगरे अरा यूदेया जिला ही नन्ना नन्ना अड्डा ती नगदे आलर आसी गुसन कालालियर। असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

लू‍कस 16:16

मूसासी पॆसका अरा धर्मेसी कत्‍था तिंगुर ही कत्‍था गुट्ठी यॊहन नूड़रत'उसी बरना गूटी तेंगरा। आ बेड़ा ती धर्मेसी राजी ही दौ कत्‍था तेंगर'आ लगी, अरा ओर्मर कोड़हे चिहुट ती अइय्या कोरनर।

लू‍कस 3:3

ख़ने यॊहनस यरदन ख़ाड़ ही आ फड़ा ई फड़ा चक नू बरचस ती आलारिन तेंगा हेलरस, “जियन किर्त'आ अरा नॊड़र'आ होले धर्मेस निमन छमा ननोस।”

लू‍कस 3:7

आलर गोंहड़ा गोंहड़ा यॊहनस गुसन नॊड़र'आ गे बर'आलियर। ख़ने आस आरिन ब'आलियस, “अना बिक्‍ख नेर्रे बेसे आलारो, पाप नन्नन बिगर अम्‍बका ‍ती धर्मेसी बरना दंडे ती बोंगा गे निमन निक‍ईम चेता बाचर का?

यॊहनस 3:23

यॊहनस हूँ सलेम ही हेद्दे ऐनॊन ख़ाड़ नू नॊड़रत'आ लगियस, एन्‍देरगेका असन बग्‍गे अम्मु रहचा, अरा आलर नॊड़र'आ गे बरतेम र'आ लगियर।