मत्तायोस 3:2 - पुना गच्छरना NT (BSI)

² “जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 3:2 ပူးပေါင်းရင်းမြစ်များ

मत्तायोस 10:7

कानुम कानुम ‘धर्मेस आलर ही उज्‍जना नू राजी नन्ना बेड़ा हेद्दे अड़सा ख़च्‍चिकी र'ई’ एन्ने दौ कत्‍थन मेन्‍त‍'आ कुद्दा।

मत्तायोस 11:20

अन्‍ति येसुस आ नगरे गुट्ठिन केबा हेलरस, एकइय्‍या आस उर्मिन्‍ती कोड़हे सवंग ही नलख नंजका रहचस, अन्‍नु हूँ आर जियन मल किर्ताचका रहचर।

मत्तायोस 12:41

निनवे नगरे ता आलर यॊनासी कत्थन मेंजर ती जियन किर्ताचर। अरा ऎरा, इसन ओर्तस यॊनास ती हूँ कोहँस र'अदस। ख़ने रायबड़ी उल्‍ला नू निनवे ता आलर ई बेड़ा ता आलर गने चो'ओर ती आरिन दोस'ओर।

मत्तायोस 13:11

आस आनाकिर्ताचस, “निमा मेर्ख़ा राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे ईद मल्‍ला चीरका।

मत्तायोस 13:24

येसुस आर गे अउर ओन्‍टा जोक्‍खा ख़ीरी तिंगियस। “मेर्ख़ा राजी आ आलस लेक्‍खा र'ई, एकासे तंग्‍‍है ख़ल्ल नू बॆस बिहनी चाँख़स।

मत्तायोस 13:31

फिन येसुस आर गे अउर ओन्‍टा जोक्‍खा ख़ीरी तिंगियस। “मेर्ख़ा राजी ओन्‍टा राई बिहनी लेक्‍खा र'ई। अदिन ओर्त आलस होच्‍चस ती तंग्‍है ख़ल्‍ल नू चाँख़स।

मत्तायोस 13:33

येसुस अउर ओन्‍टा जोक्‍खा ख़ीरी तिंगियस। “मेर्ख़ा राजी बिदगी लेक्‍खा र'ई। अदिन ओर्त आली कटी गुना होच्‍चा ती तीन तामी गुंडा नू लिंडया, ई लेक्‍खा आद उर्मी तिस्‍सा मंजा केरा।”

मत्तायोस 13:47

अउर हूँ, मेर्ख़ा राजी ओन्‍टा जल्‍ली लेक्‍खा रई, आद समुदर नू हिबिड़का ती उर्मी रकम ही इंजोन बारिया ती ओथ्रा।

मत्तायोस 13:52

तहाँ येसुस आरिन बाचस, “औंगे अबड़ा उर्मी नॆग सिखाब'उर नॆ मेर्ख़ा राजी ही पत्त नू सिख्रका र'अनर आर आ एड़पा आबस बेसे र'अनर, नॆ तंग्‍है भंडार ती पच्चा अरा पुना जिनिस गुट्ठिन ओथ्रदस।”

मत्तायोस 18:23

मेर्ख़ा राजी ओन्‍टा बॆलस लेक्‍खा र'ई, एकास तंग्‍है जॊंख़र ती लेखा हो'आ बिद्दियस।

मत्तायोस 20:1

मेर्ख़ा राजी गा ओर्त ख़ल्‍ल उर्बस लेक्खा र'ई। आस पैरिम अंगुर बटकी नू बनिहार हेलाब'आ उरखस।

मत्तायोस 22:2

“मेर्ख़ा राजी ओर्त बॆलस लेक्‍खा र'ई। आस तंग्‍दासी बेंजा गे कोहाँ बेंजा मंडी सराजमा नंजस।

मत्तायोस 23:13

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम आलर ही मुन्‍दहारे मेर्ख़ा बलिन मुच्‍चदर। नीमिम हूँ कोरदर मला अरा कुर'उरिन हूँ कोर'आ मल चि'अदर। [

मत्तायोस 25:1

आ बारी नू मेर्ख़ा राजी दस गोटंग डिंडा पेल्‍लर लेक्‍खा र'ओ, नॆ तम्‍है होरन धरचर ती बेंजा जॊंख़ासिन भेंटार'आ गे उरखर।

मत्तायोस 25:14

अउर हूँ मेर्ख़ा राजी ओर्त आलस लेक्‍खा र'ई, एकास नन्‍ना राजी कालो बारी तंग्‍है जॊंख़ारिन मीख़ियस ती तंग्‍है खुर्जिन सोंपचस चिच्‍चस।

मत्तायोस 4:17

आ बेड़ा ती येसुस तेंगा कुद्दा हेलरस, “जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मत्तायोस 5:10

नॆ दौ नन्ना चड्डे दुक्‍खे सह'ऊ र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

मत्तायोस 5:3

“नॆ तम्‍है बॊलता ही चाड़ गे धर्मेस म‍इय्याँ असरा उइय्यरकी र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

मत्तायोस 6:10

निंग्‍है राजी बर'अन नेकअन। निंग्‍है मने एकासे मेर्ख़ा नू मनी अन्नेम ख़ॆख़ेल नू हूँ मनन नेक‍अन।

मत्तायोस 6:33

लिकिन मुन्‍द धर्मेस निम्‍है उज्‍जना नू राजी नन्ना ही पत्त सोच नू र'आ अरा आसी मने लेक्‍खा नना, होले इबड़ा उर्मी आलॊ निमा चितार'ओ।

मरकुस 1:15

अरा आलारिन ब'अना बारी रहचस, “धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई। औंगे जियन किर्त'आ अरा ई दौ कत्‍थन इंझ्र'आ।”

मरकुस 1:4

औंगे यॊहन नूड़रत'उस टोड़ंग नू ऎथ्रस अरा आलारिन मेन्त'आलियस, “जियन किर्त'आ, अदही चिन्‍हा गे ऎन निमन अम्मु ती नॊड़रत'अदन। होले धर्मेस निम्है पाप गुट्ठिन छमा ननोस।”

मरकुस 6:12

ख़ने चेलर नन्ना नन्ना पद्दा कालरकी आलारिन धर्मेसी कत्‍थन मेन्‍त'आलियर का आर गे जियन किर्त'अना दिम मनो।

लू‍कस 1:16

आस नगदे इस्राऎल आलारिन आर ही धर्मेस उर्बस तरा किर्त'ओस।

लू‍कस 11:20

लिकिन ऎन धर्मेसी सवंग ती नाद गुट्ठिन ओथ्रदन होले ईद ईद'ई का धर्मेस आलर ही जिया नू राजी नन्ना निम्‍है नू अंड़स ख़च्‍चिया।

लू‍कस 13:3

ऎन निमन ब'अदन, एन्ने मला, लिकिन नीम जियन मल किर्त'ओर होले नीम ओर्मर एन्नेम नास मनोर।

लू‍कस 13:5

ऎन निमन ब'अदन, एन्ने मला, लिकिन नीम जियन मल किर्त'ओर होले नीम ओर्मर एन्नेम नास मनोर।”

लू‍कस 15:10

ऎन निमन ब'अदन, एन्नेम ओन्‍टा जियन किर्ताचका आलासी पत्त नू धर्मेसी पैकर ही मुन्‍दहारे रिझी मनी।”

लू‍कस 15:7

ऎन निमन ब'अदन, ई लेक्‍खम जिया किर्त'अना ही चाड़ मलका निनाबे उजगो आलर गे मेर्ख़ा नू ऎ बग्‍गे खुसमारना मनो अदिन ती कोड़हे खुसमारना मेर्ख़ा नू मनो इकला ओन्‍टा पपहा आलस जियन किर्त'अदस।

लू‍कस 16:30

अरा आ उरुब आलस बाचस, ‘अन्ने मला, बबा अब्राहम, लिकिन केच्‍कर ती नीकईम आर गुसन क'ओर होले, आर जियन किर्त'ओर।’

लू‍कस 21:31

ई लेक्‍खम इकला नीम इबड़ा कत्‍थन एन्ने मन्नुम ऎरोर, निमा अख़ना र'ई का धर्मेस आलारिन राजी नन्ना ही बेड़ा हेद्दे र'ई।

लू‍कस 24:47

अरा येरुसलॆम ती ऒड़ मनरकी जम्मा राजी नू आसी नामे नू जियन किर्त'अना दरा पाप छमा गे तेंगा कुद्दना मनो।

लू‍कस 6:20

ख़ने येसुस तंग्‍हा चेलर तरा किर्रे ईरीयस ती बाचस, “अना मलकारो धर्मेस निम्हा ती खुसमारदस, एन्‍देरगेका धर्मेसी राजी निम्‍है दिम हवे।

लू‍कस 9:2

अरा आरिन धर्मेसी राजी ही पत्त नू तेंगा कुद्दा गे अरा बेमार गुट्ठिन उजग'आ गे तइय्यस।

त‍इरकर 11:18

अबड़ा कत्‍थन मेंजर ख़ने, आर कलेकले मंजर केरर। अरा आर एन्ने ब'अनुम धर्मेसी ओहमा नंजर, “धर्मेस नन-यहूदीर गे हूँ जियन किर्त'अना ती उज्‍जनन ख़क्‍खा गे मोका चिच्‍चस।”

त‍इरकर 17:30

केरका बेड़ा नू आलर धर्मेसिन मल बुझ्रर। इदिन आस अम्‍बियस चिच्‍चस। लिकिन अक्‍कु आस उर्मी अड्डा ता उर्मी आलारिन जियन किर्त'आ गे आनदस।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

त‍इरकर 26:20

औंगे मुन्‍द गा ऎन दमसकोस, फिन येरुसलॆम ता र'ऊ आलारिन, अदही ख़ॊख़ा सौंसे यूदेया राजी नू, अरा नन-यहूदीर नू हूँ तेंगा कुद्दकन का आर जियन किर्त'अना र'ई अरा जिया किर्त'अना ही जॊगे नलख नन्‍ना र'ई।

त‍इरकर 3:19

औंगे नीम जियन किर्त'आ, होले धर्मेस निम्‍है उर्मी पापन छमा ननोस।

2 कोरिन्‍थ 7:10

एन्देरगेका एका दुक्‍खे धर्मेसी मने ती नमा इंझ्रना मनी अदही ऊजी जिया किर्त'अना मनी, अरा जिया किर्त'अना नाड़रना तरा कड़हाब'ई, अरा अत्रु खोबरारना मल मनी। लिकिन ख़ॆख़ेल ता दुक्‍खे ही ऊजी खे'अना मनी।

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

इब्रानी 6:1

औंगे बरा, नाम मसीसी पत्त ता ऒर ही सिखाब'अना नू लेका मला इज्‍जका ती बड़ियर मन्ना ही तरा मुन्‍द ऎकोत क'ओत। मसी उज्‍जना ही नेव ही मुध कत्‍था गुट्ठिन घड़ी घड़ी अदिनिम तेंगना ही चाड़ मलकी: मलदौ नलख ती जियन किर्त'अना, अरा धर्मेस म‍इय्याँ पत्त'अना,

2 पतरस 3:9

जोक्क आलर बुझुरना लेक्खा उर्बस तंग्है गच्छरनन नना गे दिरी मल नन्दस। लिकिन आस निम्है नू कयास गने र'अदस। एन्देरगेका आसी मने ईद र'ई का, ओर्त हूँ अम्बोर नठार'आ, लिकिन ओर्मर जियन किर्त'ओर।

दहदर मंजका कत्‍था 2:21

ऎन अदगे जियन किर्त'आ गे बेड़ा चिच्चकन, लिकिन आद तंग्है पेहरन ही सोतरा नलख ती जियन किर्त'आ गे मल बिद्दी।

दहदर मंजका कत्‍था 2:5

औंगे नीन सुरता नना का नीन एका मेच्छा ती खत्रकय। अरा जियन किर्त'आ अरा मुन्द ता लेक्‍खा नलख नना। लिकिन नीन जियन मल किर्त'ओय होले, ऎन निंग्‍है गुसन बर'ओन ती निंग्है बिल्ली पटनी आबोन अदही अड्डा ती गुछाब'ओन चि'ओन।