मत्तायोस 3:12 - पुना गच्छरना NT (BSI)

¹² आस तंग्‍है के‍तेर ती गहूँ अरा चींख़न बेग'ओस, अरा आस तंग्‍है खलिन बॆस लगे एर्रोस। अरा आस गोट गहूँन कुट्ठी नू उइय्योस, अरा चींख़न चिच्‍ची नू बस्‍सोस एकदा इकला हूँ मल तेभर'ओ।”

मत्तायोस 3:12 ပူးပေါင်းရင်းမြစ်များ

मत्तायोस 13:30

ख़ोयना गूटी ऎंड़ानिम संगेम परदा चि'आ, अरा ख़ोयना बेड़ा नू ऎन ख़ोयू आलारिन ब'ओन का मुन्‍द बनेला बिहनी ही ख़ोप्‍पन लॊड़'आ ती बस्‍सा गे अदही बिंड़ा हें'आ, अरा गहूँन एंग्‍‍है खली नू ख़ोप्‍पा।’”

मत्तायोस 13:41

अरा मनवा ख़द्दन ऎन एंग्‍है पैकारिन ख़ॆख़ेल नू तइय्योन, अरा आर एंग्‍है राजी ती उर्मी पाप नन्त'उरिन अरा उर्मी मलदौ ननुरिन ख़ॊजोर,

मत्तायोस 13:42

अरा आरिन चिच्‍ची गड्डी नू झपाब'ओर, असन आर गे चींख़ना अरा ओलख़ना अरा पल्‍ल चब्रना मनो।

मत्तायोस 13:43

आ बारी उजगो आलर तम्‍है बबासी राजी नू बीड़ी लेक्‍खा बिल्‍चोर। नॆख'आ ख़ेबदा र'ई आस मेन्दस ती बुझ्रदस नेक‍अन।”

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

लू‍कस 3:17

आस तंग्‍है के‍तेर ती गहुँन अरा चींख़न बेग'ओस। अरा आस तंग्‍है खलिन बॆस लगे एर्रोस। अरा आस गोट गहूँन तंग्‍है कुट्ठी नू उइय्योस, अरा चींख़न चिच्‍ची नू बस्‍सोस एकदा इकला हूँ मल तेभर'ओ।”

यॊहनस 15:2

एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।