मत्तायोस 27:4 - पुना गच्छरना NT (BSI)

⁴ अरा बाचस, “आ बिगर गुन्हा नेम्‍हा उजगो आलासिन पिटा गे धरताचकन ती पाप नंजकादन।” अबड़र बाचर, “अदगे एमा एन्‍देर? नीनिम अदही हदा र'अदय।”

मत्तायोस 27:4 ပူးပေါင်းရင်းမြစ်များ

मत्तायोस 27:19

पिलातुस नेंवई नन्‍ना गदिया नू उक्‍काचस ख़ने, तंग्‍आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्‍देरगेका ऎन चेरो माख़ा तुंगुल नू आसी चड्डे नगदे दुक्‍खे सारचकन।”

मत्तायोस 27:54

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

लू‍कस 23:22

पिलातुस तिसर हॆल आरिन बाचस, “एन्‍देरगे, ईस एन्‍देर मलदौ नंजकादस? ऎन गा ईस नू पिटरना जॊगे एन्‍देर हूँ गुन्‍हा मल ख़क्‍खकन। औंगे ईसिन लौत'ओन ती अम्‍बोन चि'ओन।”

लू‍कस 23:41

अरा नम्‍है दंडे गा नॆग ती मानिम र'ई, नाम नम्‍है नलख ही जोक्‍खा दंडे ख़क्‍खा लगदत। लिकिन ई आलस एन्‍देर हूँ मलदौ मल नंजकादस।”

लू‍कस 23:47

ई मंजकन रोमी सैनर ही मुद्धस ईरियस ती धर्मेसी ओहमा नंजस अरा बाचस, “मानिम ई आलस उजगो रहचस।”

यॊहनस 19:7

ख़ने यहूदीर आसिन आनाकिर्ताचर, “एमा गे नॆग र'ई, अरा आ नॆग ही लेक्‍खा ईस पिटना जॊगे र'अस, एन्‍देरगेका ईस तंगन धर्मेसी ख़द्दस ब'अदस।”

त‍इरकर 13:28

आर गे आस नू पिटना दंडे जॊगे एन्‍देर हूँ बदी मल ख़क्‍ख्रा। अन्नु हूँ पिलातुस ती गोहरारर का आसिन पिटा।

रोमी 3:19

नाम अख़दत का धर्मेसी पॆसका एन्‍देर ब'ई, इबड़ा पॆसका ही तबे नू र'ऊ आलर गे तिंगी। औंगे नाम उर्मी यहूदीर गे एन्‍द्रा हूँ ब'अना ही ओदहा मलकी। एन्ने गोट्टा ख़ॆख़ेल ता आलर गे धर्मेसी रायबड़ी नू तम्‍है लेखा चि'अना र'ई।

1 तीमोथियुस 4:2

ईर उतुरमाड़ू अरा ठक‍'ऊ आलर हिकनर। अरा आर ही लखना मल्‍ला उज्‍जना।

तीतुस 1:16

आर ब'अनर का धर्मेसिन अख़दम। लिकिन आर ही नलख ईद'ई का आर मानिम नू धर्मेसिन बलनर एन्‍देरगेका आर ख़ाँड़'ऊ अरा कत्‍था मल पॆस्र'ऊ हिकनर, अरा एकअम दौ नलख नना गे जॊगे मलनर।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

1 पतरस 1:19

लिकिन नीम बिगर बदी अरा बिगर पाप ही भेंडो ख़द्द लेक्खा मसीसी कोड़हे दाम ही ख़ॆंस ती नाड़रकादर।

1 यॊहन 3:12

कैनस लेक्खा नाम अम्बोत मना। आस मलदौ आबोन नन्त'उस सैतान ही रहचस, अरा तंग्ड़िस हाबेलसिन पिटियस। अरा आस आसिन एन्देर चड्डे पिटियस? एन्देरगेका आसी नलख गुट्ठी मलदौ रहचा अरा तंग्ड़िसी नलख गुट्ठी गा धर्मेसी ऎरना नू उजगो रहचा।

दहदर मंजका कत्‍था 11:10

अरा ख़ॆख़ेल ता र'ऊ आलर आर ही खे'अना चड्डे रिझ्र'ओर खुसमार'ओर, अरा ओर्तोर नन्नर गे सन्देस गुट्ठिन तइय्योर, एन्‍देरगेका इबड़ा दुयो धर्मेसी कत्था तिंगुर ख़ॆख़ेल ता र'ऊ आलारिन सताबाचका रहचर।