मत्तायोस 27:3 - पुना गच्छरना NT (BSI)

³ येसुसिन धरत'आ गे संगे नंजका यूदस अक्‍खस का येसुस पिटा गे गुन्‍हा ठेकाबातारस ख़ने, आस पस्‍तारस ती अब़डा तीस गोटंग चाँदी ढिबन मुध नैगर अरा सेयान आलर गुसन किर्ताचस ओन्‍द्रस।

मत्तायोस 27:3 ပူးပေါင်းရင်းမြစ်များ

यॊहनस 13:2

येसुस अरा आसी चेलर पुतबारी ता मंडी ओना उक्‍का रहचर। नाद सिमॊनसी तंग्‍दस यूदस इसकारियॊतसी जिया नू येसुसिन धरत'आ गे पपहर गे संगे चि'आ गे मतिन सज्‍ज ख़च्‍चकी रहचा।

यॊहनस 13:27

अरा यूदस असमा कुटकन इंझ्रना गनेम सैतान यूदस नू समसारा केरा। फिन येसुस आसिन बाचस, “निंगा एन्‍देर नन्‍ना र'ई अदिन चाँड़हे नना।”

यॊहनस 18:3

ख़ने यूदस ओन्‍टा रोमी सैनर ही फउद अरा मुध नैगर अरा फरिसीर तरती तइय्‍का धर्मेसी मन्दिर ख़ापू सैनर गने आ बटकी नू बरचस। आर होरा, कन्डेल अरा लड़‍ई ही कमहड़ गुट्ठिन ओन्‍द्रर ती बरचर।

त‍इरकर 1:18

(यूदस तंग्‍है मलदौ नलख ही अर्जाचका ती ओन्‍टा ख़ल्ल ख़ीन्‍दियस, अरा आस अइय्या कुक्‍कु भरसा खत्रस, अरा आसी कूल बिदिगरा केरा, अरा आसी पोट्टा बहरी उरखा केरा।

2 कोरिन्‍थ 7:10

एन्देरगेका एका दुक्‍खे धर्मेसी मने ती नमा इंझ्रना मनी अदही ऊजी जिया किर्त'अना मनी, अरा जिया किर्त'अना नाड़रना तरा कड़हाब'ई, अरा अत्रु खोबरारना मल मनी। लिकिन ख़ॆख़ेल ता दुक्‍खे ही ऊजी खे'अना मनी।