मत्तायोस 27:2 - पुना गच्छरना NT (BSI)

² फिन आर येसुसिन हॆंचर अरा आसिन होच्‍चर ती ‍यूदेया ही रोमी राजीख़ापुस पिलातुसी ख़ेक्खा नू चिच्‍चर।

मत्तायोस 27:2 ပူးပေါင်းရင်းမြစ်များ

मत्तायोस 20:19

अरा नॆ यहूदी मलनर आर ही ख़ेक्खा नू एंगन हींड़'आ गे तुप्‍प'आ गे अरा कोर्रा ती लौ'आ गे क्रुस नू अरग'आ ती पिटा गे चि'ओर। लिकिन ऎन उल मुन्‍द नू केचका ती उज्‍जा चो'ओन।”

मत्तायोस 28:14

ई कत्‍था राजीख़ापुस गूटी अंड़सो होले, ऎम आसिन बुझाब'ओम अरा निमन सस्‍ती ती बछाब'ओम।”

लू‍कस 13:1

आ बेड़ा नू जोक्‍क आलर असन रहचर, आर येसुसिन तिंगियर का राजी ख़ापू पिलातुस जोक्‍क गलिलेया ता आलारिन पिटियस ती आर ही ख़ॆंसन तम्है दाँड़े ही ख़ॆंस नू मेसा बाचस।

लू‍कस 20:20

औंगे आर ताक ऎरर अरा जोह'ऊ आलारिन त‍इय्यर का धरम ही भेंस ननोर ती येसुसी एक‍अम कत्‍थन धर'ओर ती आसिन राजीख़ापुसी ख़ेक्खा नू अरा आसी अदिया नू चि'ओर।

लू‍कस 23:1

तहाँ सौंसे गोंहड़ा चॊचा ती येसुसिन राजी ख़ापू पिलातुस गुसन होच्‍चा।

लू‍कस 23:12

अउलम पिलातुस अरा हॆरॊदॆस सखी मंजर केरर, इदिन ती मुन्‍द आर बैरी रहचर।

लू‍कस 3:1

कैसर तिबेरयुस रोम राजिन राजी नन्ना ही पन्‍द्रा बछर नू पोन्‍तियुस पिलातुस यूदेया जिला ही राजीख़ापू रहचस। आ बेड़ा हॆरॊदॆस अंटिपस गलिलेया जिला ही बॆलस रहचस। अरा आसी तंग्ड़िस फिलिप्‍पोस इतुरैया अरा त्राख़ॊनितिस जिला ही बॆलस रहचस। अरा लुसानियास अबिलॆनॆ जिला ही बॆलस रहचस।

यॊहनस 18:12

फेन सैनर अरा आर ही सैनर ही मुद्धस अरा धर्मेसी मन्दिर ख़ापू सैनर येसुसिन धरचर ती हॆंचर।

यॊहनस 18:24

फिन हन्नास येसुसिन हॆंरका रांगे कोहाँ नैगस कैफस गुसन तइय्यस।

यॊहनस 18:28

फिन आर कैफस गुस्‍ते येसुसिन रोमी राजी ख़ापुसी गढ़िया नू होच्‍चर। आ बारी बिज्‍जना बेड़ा रहचा। आर गढ़िया भितरी इदगे मल केरर का आर सोतरा मल मनोर अरा कट्टना परब ही ओन्ना-मॊख़नन मॊख़ा ओंगोर।

त‍इरकर 12:6

इकला हॆरॊदॆस आसिन आलर ही मुन्‍दहारे ओन्‍द्र'आ गे रहचस, अदही मुन्‍द ता माख़ा पतरस दुई गोट सिकड़ी ती हॆंरका ती ऎंड़ सैनर ही मझी नू ख़न्‍द्र'आ लगियस। अरा नन्ना सैनर जेहेल ही बली ही मुन्‍दहारे ख़ापा लगियर।

त‍इरकर 21:33

ख़ने फउद उर्बस हेद्दे बरचस ती पौलुसिन हॆंचस, अरा दुई गोटा सिकड़ी ती हें'आ गे आनियस ती मेंजस, “ईस एका ओर्तस अरा ईस एन्‍देर नंजका र'अदस?”

त‍इरकर 22:25

सैनर आसिन कोर्रा लौ'आ गे हॆंचर ख़ने, पौलुस तंग्‍है हेद्दे इज्‍जका रहचस आ सैनर ही मुद्धासिन बाचस, “बिगर नेंवई नंजका ओन्‍टा रोमी आलासिन कोर्रा ती लौना नॆग ही लेक्‍खा हवे का?”

त‍इरकर 22:29

ख़ने आसिन जाँच ननू रहचर, आर लॆम तरकूटी मंजर केरर। अरा फउद उर्बस हूँ गा ईस रोमी आलस हिकदस अरा ऎन ईसिन खूटचकादन ब'अरकी इल्‍चियस केरस।

त‍इरकर 24:27

लिकिन दुई बछर ख़ॊख़ा राजीख़ापू फॆलिक्‍सी अड्डा नू पोर्कियुस फॆस्‍तुस उक्‍कियस ख़ने, फॆलिक्‍स यहूदीरिन खुसमारत'अना ही मने ती पौलुसिन जेहेल नू अम्‍बियस चिच्‍चस।

त‍इरकर 28:20

इदही चड्डे ऎन निमन ओर्मारिन मीख़कन का निम्‍है गने भेंट मनोन अरा कछनख्र'ओन। इस्राऎल आलर बर'ओस एन्ने पाब ईरका मसीसी म‍इय्याँ ता एंग्है पत्त'अना ही चड्डे तिम ऎन सिकड़ी ती हॆंरकादन।”

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

त‍इरकर 9:2

दमसकोस नगरे ता गोड़हा एड़पा गुट्ठी ही नामे नू चिठी गुट्ठी नॆचस। ख़ने आस मसीसी डहरे नू ईकू मुक्‍कर महले मॆतारिन असन ख़क्‍खोस होले, आरिन हें'ओस ती येरुसलॆम ओन्‍द्र'आ ओंगोस।

1 तीमोथियुस 6:13

ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

इब्रानी 13:3

नीम गुड़रका आलारिन सुरता ननके का नीम हूँ आर ही गने गुड़रका र'अदर एन्ने सोच'आ। अरा नॆ डाहरनर आरिन हूँ सुरता ननके, नीम हूँ डाहरनर एन्ने सोच'अरकी एन्ने नना।