मत्तायोस 24:9 - पुना गच्छरना NT (BSI)

⁹ आर निमन सस्‍ती नना गे धर'ओर, अरा निमन पिटोर, अरा उर्मी राजी ता आलर नीम एंग्‍है गने चॊंख़्र'उर र'अना चड्डे निमन बिड़दो ननोर।

मत्तायोस 24:9 ပူးပေါင်းရင်းမြစ်များ

मत्तायोस 22:6

लिकिन नन्‍नर एंगरका रहचर आर आसी जॊंख़ारिन धरचर ती कांड़चर अरा पिटियर।

मत्तायोस 23:34

औंगे मेना! ऎन निम्‍है गुसन धर्मेसी कत्‍था तिंगुरिन अरा लुरगर आलारिन अरा नॆग सिखाब'उरिन तइय्यालदन। आर ती जोक्‍कोरिन नीम पिटोर अरा क्रुस नू ठोक'ओर, अरा जोक्‍कोरिन गोड़हा एड़पा नू कोर्रा ल'ओर अरा ओन्‍टा नगरे ती नन्ना नगरे खेच्का कुद्दोर।

लू‍कस 11:49

औंगे धर्मेसी लूर बाचा, ‘ऎन नीम यहूदीर गुसन धर्मेसी कत्‍था तिंगुरिन, अरा त‍इरकारिन त‍इय्योन, लिकिन नीम अबड़र ती जोक्‍कोरिन पिटोर अरा जोक्‍कोरिन खिलपत ननोर।’

लू‍कस 21:12

लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

यॊहनस 15:18

ख़ॆख़ेल निमन हींड़'ई होले, नीम अख़'आ का अदिन ती मुन्‍द आद एंगन हींड़चा।

यॊहनस 15:21

नीम एंग्‍है र'अना चड्डे आर निमा गे इबड़ा ओर्मन ननोर, एन्‍देरगेका आर नॆ एंगन तइय्यस आसिन बलनर।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

त‍इरकर 28:22

लिकिन निंग्‍है ब'अना एन्‍देर र'ई अदिनिम ऎम मेना बेद्ददम। एन्‍देरगेका ऎम अख़दम का उर्मी अड्डा ता आलर ई धरम खोंड़हा ही बिड़दो नू कछनख्रनर।”

त‍इरकर 7:59

आलर स्‍तेफनोस म‍इय्याँ पखना ती लोड़ग'आ लगियर ख़ने, आस एन्ने गोहरारस, “उर्बायो येसु, एंग्‍है बॊलतन इंझ्र'आ।”

1 पतरस 4:16

लिकिन नीम मसी आलर र'अना चड्डे सस्ती सारदर होले, अदही पत्त नू अम्बोस लजर'आ, लिकिन मसी आलर एन्ने नामे निमा गे र'अना चड्डे धर्मेसी महबा नना।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 7:14

ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।