मत्तायोस 24:3 - पुना गच्छरना NT (BSI)

³ एन्ने बाचका ख़ॊख़ा येसुस चेलर गने जैतून परता केरस। ख़ने आसी चेलर भिनेम आसी हेद्दे बरचर ती बाचर, “एमन तेंगा, इबड़ा कत्‍था इकला मनो? निंग्‍है बरना ही अरा ख़ॆख़ेल मुं‍ज्रना ही एन्‍देर चिन्‍हा मनो?”

मत्तायोस 24:3 ပူးပေါင်းရင်းမြစ်များ

मत्तायोस 13:36

फिन येसुस गोंहड़न अम्बियस ती एड़पा बरचस। अरा आसी चेलर हेद्दे बरचर ती बाचर, “ख़ल्‍ल ता लट्टी ही जोक्‍खा ख़ीरी ही मनेन एमन तेंगा।”

मत्तायोस 13:49

ख़ॆख़ेल मुंज्रना नू एन्नेम मनो। मेर्ख़ा पैकर बर'ओर ती उजगो आलर ती मलदौ आलारिन छिंडोर,

मत्तायोस 15:12

तहाँ आसी चेलर बरचर ती आसिन बाचर, “एन्‍देर नीन अख़दय का फरिसीर ई कत्‍था चड्डे मुड्डियर?”

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

मत्तायोस 16:28

ऎन निमन मानिम ब'अदन, अक्‍कुन इसन इज्जका आलर ती जोक्‍कोर मनवा ख़द्दन ऎन बॆल लेक्‍खा किर्रनन बिगर ईरका मल खे'ओर।”

मत्तायोस 17:19

तहाँ चेलर उछिन्‍द बेड़ा नू येसुस गुसन बरचर ती बाचर, “ऎम अदिन एन्‍देरगे ओथ्र'आ पोलकम।”

मत्तायोस 21:1

फेन येसुस अरा आसी चेलर येरुसलॆम गुसन अंड़सियर, अरा जैतून मन्न परता नू बॆतफगे नू बरचर। ख़ने ऎंड़ चेलारिन एन्ने बाचस ती तइय्यस,

मत्तायोस 24:27

एकन्ने का बिजली लौकारना पुरुब तरती उरखी ती पच्छिम तरा हूँ लौकर'ई, अन्नेम ऎन मनवा ख़द्दासी बरना हूँ मनो।

मत्तायोस 24:30

अरा आ बारी एंगा मनवा ख़द्दासी चिन्‍हा मेर्ख़ा नू ऎथ्र'ओ। तहाँ ख़ॆख़ेल ता उर्मी खुटी ता आलर चींख़'ओर ओलख़ोर। उर्मी आलर मनवा ख़द्दन एंगन मेर्ख़ा नू बदाली नू ती सवंग अरा कोड़हे महबा गने बरनन ऎरोर।

मत्तायोस 24:37

अरा एकन्ने नूहसी बेड़ा नू मंजा अन्नेम मनवा ख़द्दन एंगा बरना बेड़ा नू हूँ मनो।

मत्तायोस 24:39

अरा बया बड़ही बरचा ती आर ओर्मारिन होच्‍चा आ गूटी आलर गे एन्द्रा हूँ अरो मल लग्‍गिया। अन्नेम ऎन मनवा ख़द्दासी बरना मनो।

मत्तायोस 24:43

लिकिन इदन अख़'आ का एड़पा उर्बस ख़लबर माख़ा एकाबारी बर'ओर अदिन अख़'ओस होले एजरका र'ओस दने, अरा तंग्‍है एड़पन उम्‍पा मल चि'ओस दने।

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

लू‍कस 21:7

आर येसुसिन मेंजर, “अना उर्बायो! इबड़ा कत्‍था इकला मनो? अरा इबड़ा कत्‍था जम्मा मनो, इदन अख़'आ गे एन्‍देर चिन्‍हा मनो?”

त‍इरकर 1:7

येसुस आरिन बाचस, “बंगस एका उल्ला महले बेड़ा गुट्ठिन ओक्‍ताचस ती तंग्‍है आकुस नू दिम उइय्कादस, अदिन अख़ना निम्‍है चाड़ मलकी।

इब्रानी 9:26

अन्ने चाड़ रहचा होले, ख़ॆख़ेल गढ़्रका ती आस गे घड़ी घड़ी दुक्‍खे चॊदना मनो दने। लिकिन अक्‍कु सौंसे ही छेद बेड़ा नू आस ओंग्‍होन लेका तंगन खे'अना ही दाँड़े ती पाप गुट्ठिन ओथ्र'आ गे दहदर मंजकादस।