मत्तायोस 22:3 - पुना गच्छरना NT (BSI)

³ अरा इकला बेंजा मंडी सराजमा मंजका ख़ने, आस तंग्‍है जॊंख़ारिन एड्डका आलारिन बेंजा नू मॆख़'आ गे तइय्यस। आर बर'आ मल बिद्दियर।

मत्तायोस 22:3 ပူးပေါင်းရင်းမြစ်များ

मत्तायोस 21:34

फिन खंजना ही बेड़ा अंड़सिया ख़ने आस जॊंख़ारिन ठिका होच्चका उर्बर गुसन हिसा ओन्‍द्र'आ गे त‍इय्‍यस।

मत्तायोस 23:37

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन निम्है गुसन ऎन त‍इरकन आरिन पखना ल'अदर ती पिटदर। ढ़ॆर हॆल धर्मेस बिद्दयस का ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ निम्है ख़द्दारिन ख़ेवड़'ओस, लिकिन नीम एन्ने नना मल चिच्‍चकर।

मत्तायोस 3:2

“जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 9:15

येसुस आरिन बाचस, “एका गूटी बेंजा जॊंख़स बरतियर गने र'अदस, आर एकासे खोबरार'ओर? लिकिन बेंजा जॊंख़स आर ती होतारना बेड़ा बर'ओ, आ उल्‍ला आर उपास ननोर।

लू‍कस 13:34

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन धर्मेस निम्है गुसन त‍इय्यस आरिन पखना ल'अदर ती पिटदर। ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ ढ़ॆर हॆल निम्है ख़द्दारिन ख़ेवड़'आ बिद्दियस, लिकिन नीम एन्ने नना मल चिच्‍चकर।

लू‍कस 15:28

कोहाँ ख़द्दस कैरारस केरस, अरा भितरी कोर'आ मल बिद्दियस। ख़ने तम्‍बस उरखस ती आसिन गोहरारस।

लू‍कस 19:27

लिकिन एंग्‍है अबड़ा बैरीरिन नॆ तम्‍है म‍इय्‍याँ ऎन राजी नना गे मल बिद्दियर, आरिन एंग्‍है मुन्‍दहारे ओन्‍द्र'आ ती पिटा।’”

यॊहनस 5:40

अन्नु हूँ आ उज्‍जनन ख़क्‍खा गे नीम एंग्‍है गुसन मल बरदर।

त‍इरकर 13:45

एन्ने कोहाँ गोंहड़न ईरियर ती यहूदीर कुटमुटर'आ हेलरर अरा पौलुसी निं‍दा नंजर ती आसी कत्‍था ही बिड़दो नू आनानखर'आ हेलरर।

रोमी 10:21

लिकिन इस्राऎलर ही पत्त नू धर्मेस ब'अदस, “गोट्टा उल्‍ला ऎन मल पॆस्र'ऊ अरा हुलहुली ननू आलर तरा इंझ्र'आ गे ख़ेक्खन पस्‍ती नंजकाचकन।”

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।