मत्तायोस 2:13 - पुना गच्छरना NT (BSI)

¹³ अबड़ा लूरगर आलर ही केरका ख़ॊख़ा, उर्बासी ओन्‍टा पैकस यॊसॆफस गे तुंगुल नू ऎथ्रस ती बाचस, “चो'आ, ख़द्दासिन दरा तंग्योन हो'आ ती मिसर राजी बोंगा कला अरा एका गूटी ऎन मल ब'ओन आ गूटी अइय्यम र'‍अके। इदगे का हॆरॊदॆस ख़द्दासिन पिटा गे बेद्दोस।”

मत्तायोस 2:13 ပူးပေါင်းရင်းမြစ်များ

त‍इरकर 12:11

ख़ने पतरस निजिड़यस ती बाचस, “अक्‍कु ऎन मानिम अक्‍ख ख़च्‍चिकन उर्बस तंग्‍है मेर्ख़ा पैकासिन त‍इय्यस ती एंगन हॆरॊदॆसी ख़ेक्खा ती नाड़ियस अरा यहूदीर ही उर्मी असरन ख़च्‍चियस।”

त‍इरकर 10:7

आसी गने कछनख्रस आ पैकस किर्रिम बिच्‍चियस ख़ने, आस तंग्‍है इरिब जॊंख़ारिन अरा धर्मेसिन एल्‍चू ओन्‍टा सैनासिन मीख़ियस।

त‍इरकर 5:19

लिकिन माख़ा उर्बासी ओन्‍टा पैकस जेहेल ही बलिन तिसगस ती आरिन बहरी ओन्‍द्रस ती बाचस,

मत्तायोस 2:12

अरा आर गे तुंगुल नू चॆत ख़क्‍खरा का हॆरॊदॆस गुसन अमके किर्रा। औंगे आर नन्ना डहरे नू तम्‍है राजी किर्रिम बिच्चियर।

मत्तायोस 1:20

आस इबड़ा कत्‍था ही सोचनुम रहचस ख़नेम, उर्बासी पैकस आस गे तुंगुल नू ऎथ्रस दरा आनियस, “यॊसॆफ, दाऊदसी ख़द्दायो, नीन निंग्‍है आली मरियम आबोन ओन्‍द्र'आ गे अमा एल्‍चा, ‍आद नेम्‍हा बॊलतस ती ओत्‍था ऎख़ र'ई।

मत्तायोस 2:16

ख़ने हॆरॊदॆस बॆलस अबड़ा लूरगर आलर एंगन ठकचकानर बाचस ती नगदे कैरारस। ख़ने आस बॆतलहेम अरा अदही उर्मी सिवान ता उर्मी ख़द्दारिन फउद तइय्यस ती पिटताचस, अन्नेम अबड़ा लूरगर आलर ती मेंजका उल्ला ही लेक्खा अबड़ा पिटतारका ख़द्दर ऎंड़ बछर ख़द्दर महले अदिन ती जुक्‍की ही रहचर।

दहदर मंजका कत्‍था 12:14

लिकिन आ आली गे कोहाँ छछड़ा ही दुई गोटा डेना चीरा। होले आद धर्मेस तंगा गे टोड़ंग नू सपड़ाचका अड्डा गे उढियार'ओ ती अंड़सा ओंगो। असन आद नेर्रे ही खिलपत ती बछर'आ गे तीन बछर अरा छै चन्दो गूटी पोसतार'ओ।

त‍इरकर 16:36

ख़ने दरोगस ई कत्‍थन पौलुसिन तिंगियस, “रोमी अक्‍स'उर निमन अम्‍बा चि'आ गे आनका त‍इय्कानर। औंगे नीम उरखा ती कोड़ेम किर्रिम बि'आ।”

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 7:19

आस नम्‍है आलर गने छलक'अर नलख नना हेलरस। आरिन सस्ती नंजस अरा आस नम्‍है पूरखारिन तम्‍है बॊलो ख़द्दारिन हेबड़ा गे ढेवाँ नंजस का आर अम्‍बोर उज्‍जा।

मत्तायोस 10:23

निमन ओन्‍टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्‍था तेंगा कुद्दना मल मुंज्रकी र'ओ।

दहदर मंजका कत्‍था 12:6

अरा आ आली गा टोड़ंग नू बोंगा केरा, एसन ओन हजार दुई सौ साट उल्ला अदिन पोस'आ गे धर्मेस तरती अड्डा सपड़ारकी रहचा।

दहदर मंजका कत्‍था 12:4

अरा अदही ख़ॊला तीन ती ओन भाग बीनकोन मेर्ख़ा ती नतकिया ती ख़ॆख़ेल नू टिड्डा चिच्‍चा। अरा आ कोहाँ नेर्रे ख़द्द नेब्बा बेद्दा लगिया आ आली ही मुन्दहारे इज्‍जा का आद ख़द्द नेब्बो ख़नेम ख़द्दन नुलख़ो चि'ओ।

मत्तायोस 2:22

लिकिन अरख़ेलोस तम्‍बा हॆरॊदॆसी अड्डा नू यूदेया नू राजी ननालदस, इदिन मेंजस ती यॊसॆफस असन काला गे इल्‍चियस। अन्‍ति तुंगुल नू चॆत ख़क्‍खियस ती गलिलेया जिला केरस।

मत्तायोस 2:14

ख़ने यॊसॆफस चॊचस ती माख़म ख़द्दासिन दरा तंग्योन होच्‍चस ती मिसर राजी केरस।

त‍इरकर 12:7

आचका उर्बासी ओन्‍टा पैकस बरचस ती इज्‍जस अरा कुठली नू बिल्‍ली बिल्‍चिया। आस पतरसी पंजर तरा ठुड्डस ती एज्‍जस अरा आसिन बाचस, “चाँड़हे चो'आ।” अरा पतरसी ख़ेक्खा ती सिकड़ी कोल्‍लरा ती खत्रा केरा।