मत्तायोस 2:12 - पुना गच्छरना NT (BSI)

¹² अरा आर गे तुंगुल नू चॆत ख़क्‍खरा का हॆरॊदॆस गुसन अमके किर्रा। औंगे आर नन्ना डहरे नू तम्‍है राजी किर्रिम बिच्चियर।

मत्तायोस 2:12 ပူးပေါင်းရင်းမြစ်များ

मत्तायोस 1:20

आस इबड़ा कत्‍था ही सोचनुम रहचस ख़नेम, उर्बासी पैकस आस गे तुंगुल नू ऎथ्रस दरा आनियस, “यॊसॆफ, दाऊदसी ख़द्दायो, नीन निंग्‍है आली मरियम आबोन ओन्‍द्र'आ गे अमा एल्‍चा, ‍आद नेम्‍हा बॊलतस ती ओत्‍था ऎख़ र'ई।

मत्तायोस 2:13

अबड़ा लूरगर आलर ही केरका ख़ॊख़ा, उर्बासी ओन्‍टा पैकस यॊसॆफस गे तुंगुल नू ऎथ्रस ती बाचस, “चो'आ, ख़द्दासिन दरा तंग्योन हो'आ ती मिसर राजी बोंगा कला अरा एका गूटी ऎन मल ब'ओन आ गूटी अइय्यम र'‍अके। इदगे का हॆरॊदॆस ख़द्दासिन पिटा गे बेद्दोस।”

मत्तायोस 2:19

हॆरॊदॆस बॆलासी केचका ख़ॊख़ा उर्बासी ओन्‍टा पैकस मिसर राजी नू यॊसॆफस गे तुंगुल नू ऎथ्रस।

मत्तायोस 2:22

लिकिन अरख़ेलोस तम्‍बा हॆरॊदॆसी अड्डा नू यूदेया नू राजी ननालदस, इदिन मेंजस ती यॊसॆफस असन काला गे इल्‍चियस। अन्‍ति तुंगुल नू चॆत ख़क्‍खियस ती गलिलेया जिला केरस।

मत्तायोस 27:19

पिलातुस नेंवई नन्‍ना गदिया नू उक्‍काचस ख़ने, तंग्‍आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्‍देरगेका ऎन चेरो माख़ा तुंगुल नू आसी चड्डे नगदे दुक्‍खे सारचकन।”

लू‍कस 2:26

नेम्‍हा बॊलतस आसिन एन्ने बाचकाचस का एका गूटी आस उर्बासी मसीसिन माल ऎरोस आ गूटी आस मल खे'ओस।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 4:19

ख़ने पतरस अरा यॊहनस आरिन किर्त'अर बाचर, “नीमिम फरिय'आ, धर्मेसी ऎरना नू एकदा बने मनो का ऎम धर्मेसी कत्‍थन महले निम्‍है कत्‍थन पॆस्र'ओम।

त‍इरकर 5:29

ख़ने पतरस अरा नन्ना त‍इरकर आनाकिर्ताचर, “एमा गे आलर ही ती धर्मेसी पॆस्रना कोड़हे चाड़ र'ई।

1 कोरिन्‍थ 3:19

एन्‍देरगेका ई ख़ॆख़ेल ता लूर धर्मेसी ऎरना नू बोया र'ई। नेम्‍हा पुथी नू एन्ने लिख्रकी र'ई का, “आस लूरगर आलारिन आर ही चतरा लूर ती दिम बझाब'अदस।”

इब्रानी 11:7

पत्त'अना ती नूहस आ बेड़ा गूटी मल ऎथ्रका कत्‍था गुट्ठी ही चेता ब'अनन ख़क्‍खियस ती धर्मेसिन मन्‍चस। अरा आस तंग्‍है एड़पातारिन बया बड़ही ती बछर'आ गे कोहाँ डोंगा कमचस। अरा आस तंग्‍है पत्त'अना ती आ बेड़ा ता ख़ॆख़ेल ता उर्मी आलारिन बदी ठेकाबाचस, अरा पत्त'अना ती मनी आ उजगो आबोन ख़क्‍खियस।

इब्रानी 8:5

आर मेर्ख़ा नू र'ऊ नेम्‍हा अड्डा ही रूप नू अरा ऎख़ ही लेक्‍खा इसन र'ऊ नेम्‍हा अड्डा नू सुसर नन्नर। मूसस गा नेम्‍हा कोहाँ कुम्‍बा कम'आ गे सपड़ारना नू रहचस ख़ने, आस गे धर्मेस ती एन्ने चेताब'अना ख़क्‍ख्रा का, “ऎरा, एका नमुना निंगा परता नू ऎदका रहचकन अदही लेक्‍खम उर्मिन कम'आ गे चिहुंक र'आ।”