मत्तायोस 2:11 - पुना गच्छरना NT (BSI)

¹¹ अरा आ एड़पा नू कोरचर ती ख़द्दासिन तंग्यो मरियम गने ईरयर अरा मुलख़र‍र ती आसिन ऒड़ लग्‍गियर अरा तंम्‍है खुर्जी बकसन तिसगर ती सोना, लोबान अरा गन्‍धरस आस गे दान नंजर।

मत्तायोस 2:11 ပူးပေါင်းရင်းမြစ်များ

मत्तायोस 1:18

येसु मसीसी कुन्‍द्रना एन्ने मंजा का आसी तंग्यो मरियम अरा यॊसॆफसी पाही मंजकी रहचा ख़ने, आर ही ओन संगे मन्ना ती मुन्‍द नेम्हा बॊलतस ती आद ओत्‍था ऎख़‍ र'अना ख़क्‍ख‍तारा।

मत्तायोस 12:46

एकाबारी आस गोंहड़ा गने कत्‍था कछनख्र'अम लगियस ख़ने, येसुसी तंग्यो अरा भइय्योर बरचर ती बहरी इज्‍जर अरा आसी गने कछनख्र'आ बेद्दा लगियर। [

मत्तायोस 14:33

अदही ख़ॊख़ा डोंगा नू रहचर आर आसिन ओलगर बाचर, “मानिम नीन धर्मेसी ख़द्दय हिकदय।”

मत्तायोस 2:10

आर बीनकोन ईरयर ती नगदे रिझ्रर।

मत्तायोस 2:2

“यहूदीर ही बॆलस कुन्‍द्रकादस आस एक्‍सन र'अस? एन्‍देरगेका ऎम पुरुब तरा आसी बीनकोन ईरकम अरा आसिन ऒड़ लग्‍गा गे बरचका र'‍अदम।”

लू‍कस 2:16

आर लॆम नगरे नू केरर अरा मरियम अरा यॊसॆफसिन अरा चरनी नू कीदरका आ बॊलॊ ख़द्दासिन ईरयर।

लू‍कस 2:38

आद हूँ आ बेड़ा नू असन बरचा ती धर्मेसी ओहमा नना हेलरा। अरा आद नॆ येरुसलॆम ही बछरना ही पाव ऎरालियर अबड़र ती ख़द्दस येसुसी पत्त नू कछनख्र'आ हेलरा।

यॊहनस 19:39

निकोदॆमोस हूँ आस गने केरस। ईस गा मुन्‍द ओंग्‍होल माख़ा बारी येसुस गुसन भेंट नना गे केरका रहचस। ईस मलागूटी पैंतीस किलो मेसाबाचका गन्‍धरस अरा मुरभा ओन्‍‍द्रस बरचस।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”

दहदर मंजका कत्‍था 5:8

अरा आस आ पुथिन होच्‍च ख़च्‍चियस ख़ने, अबड़ा चरियो उज्‍जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्‍हा आलर ही गोहरारना गुट्ठी ही धूप ती निंदका सोना ही मौनी रहचा।