मत्तायोस 16:4 - पुना गच्छरना NT (BSI)

⁴ मलदौ अरा नन्ना आली गुसन कालू आलर ही परिया ता आलर अकबक नलख ही चिन्‍हा बेद्दनर, लिकिन धर्मेसी कत्‍था तिंगू यॊनासी उज्‍जना नू मंजका अकबक नलखन अम्‍बरकी आर गे नन्ना एन्‍देर चिन्‍हा हूँ मल चितार'ओ।” अरा आस आरिन आम्‍बियस ती किर्रिम बिच्‍चियस।

मत्तायोस 16:4 ပူးပေါင်းရင်းမြစ်များ

मत्तायोस 15:14

फरिसीर ती तरकूटी र'आ, आर अन्धहा डहरे ईद'उर। अन्‍धहर अन्‍धहर गे डहरे ऎद'ओर होले, इरबर दिम गड्‍डी नू खत्र'ओर।”

मत्तायोस 16:5

ख़ॊख़ा चेलर समुदर ही आ पक्‍खा अंड़सियर, अन्‍ति आर असमा हो'आ मॊधरर केरर।

मरकुस 8:12

इदन मेनरकी आस तंग्‍है बॊलता नू नगदे ख़ोदख़रनुम बाचस, “एन्‍देरगे ई परिया ता आलर अकबक नलख ही चिन्‍हा बेद्दनर?, ऎन निमन मानिम ब'अदन, ऎन ई परिया ता आलर गे एन्‍देर चिन्‍हा हूँ मल चि'ओन।”

मरकुस 8:38

पपहर ही ई परिया नू नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्‍बासी महबा नू किर्रना बारी ‘ईस एंग्‍है चेलस हिकदस’ एन्ने ब'आ गे लजर'ओन।”

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”

त‍इरकर 2:40

तहाँ पतरस अउरिम कोड़हे कत्‍थन मेन्‍ताचस अरा चेता बाचस, “नीम निमन ई कुचुरहा परिया ती बछाब'आ।”