मत्तायोस 14:2 - पुना गच्छरना NT (BSI)

² अरा तंग्‍है जॊंख़ारिन बाचस, “आस यॊहन नूड़रत'उस, आस केचका ती उज्‍जा चॊचका र'अस, अदगे आस ती एन्‍ने सवंग ही नलख मनी।”

मत्तायोस 14:2 ပူးပေါင်းရင်းမြစ်များ

मत्तायोस 11:11

ऎन निमन मानिम ब'अदन का नॆ मुक्‍कर ती कुन्‍द्रका र'अनर, अबड़र नू यॊहन नूड़रत'उस ती कोहाँ नॆ हूँ कुन्‍द्रका मल र'अनर। अन्नु हूँ नॆ मेर्ख़ा राजी नू सन्नी ती सन्नी र'अदस, आस आसी ती कोहाँ हिकदस।

मत्तायोस 16:14

आर बाचर, “जोक्‍क आलर ब'अनर यॊहन नूड़रत'उस, अरा जोक्‍क आलर ब'अनर धर्मेसी कत्‍था तिंगू एलियस, अरा नन्नर ब'अनर येरेमियास महले चिरान ता धर्मेसी कत्‍था तिंगुर ती नन्ना ओर्तोस”

मत्तायोस 3:1

अबड़ा उल्‍ला नू यॊहन नूड़रत'उस यूदेया जिला ही टोड़ंग नू बरचस अरा असन एन्ने तेंगा कुद्दा हेलरस:

मरकुस 6:14

हॆरॊदॆस अंटिपस बॆलस येसुसी हलन मेंजस, एन्‍देरगेका अजम आलर आसी पत्त नू कछनख्र'आलियर। जोक्‍कोर ब'आलियर, “यॊहन नूड़रत'उस केचका ती उज्‍जा चॊदतारकादस, आस इसन किर्रकादस, औंगेम ईस गे इबड़ा अकबक नलख नना गे धर्मेसी सवंग र'ई।”

मरकुस 8:28

ख़ने आर किर्त'अर बाचर, “जोक्‍क आलर ब'अनर यॊहन नूड़रत'उस फिन उज्‍जनुम किर्रियस, अरा जोक्‍क आलर ब'अनर धर्मेसी कत्‍था तिंगुस एलियस, अरा नन्नर ब'अनर चिरान ता धर्मेसी कत्‍था तिंगुर ती ओर्तोस”

लू‍कस 9:7

राजी ख़ापुस हॆरॊदॆस अंटिपस इबड़ा मंजका ओर्मा हलन मेंजस ती दोभिदिया मंजस केरस। एन्‍देरगेका जोक्‍क आलर बाचर का यॊहन नूड़रत'उस केचका ती उज्‍जा चॊचकादस।

यॊहनस 10:41

अरा बग्‍गे आलर आसी गुसन बरचर अरा ताम तम्है नू ब'आलियर, “यॊहनस इन्द्रिइम हूँ अजगुत नलख मल नंजस, अन्नु हूँ यॊहनस ईसी पत्त नू एन्‍देर बाचस अबड़ा उर्मी मानिम हवे।”