मत्तायोस 13:52 - पुना गच्छरना NT (BSI)

⁵² तहाँ येसुस आरिन बाचस, “औंगे अबड़ा उर्मी नॆग सिखाब'उर नॆ मेर्ख़ा राजी ही पत्त नू सिख्रका र'अनर आर आ एड़पा आबस बेसे र'अनर, नॆ तंग्‍है भंडार ती पच्चा अरा पुना जिनिस गुट्ठिन ओथ्रदस।”

मत्तायोस 13:52 ပူးပေါင်းရင်းမြစ်များ

मत्तायोस 12:35

दौ आलस तंग्‍है दौ जिया ही दौ कुट्ठी ती दौ नलखन नन्‍दस, अरा मलदौ आलस तंग्‍है जिया ही मलदौ कुट्ठी ती मलदौ नलखन नन्‍दस।

मत्तायोस 13:51

येसुस तंग्‍है चेलारिन बाचस, “एन्‍देर नीम इबड़ा उर्मी कत्‍थन बुझ्रकर का?” आर आनाकिर्ताचर, “हाँ, ऎम बुझ्रकम।”

मत्तायोस 13:53

येसुस इबड़ा जोक्‍खा ख़ीरी गुट्ठिन बाचस मुंजियस ख़ने, असले किर्रिम बिच्‍चियस।

मत्तायोस 23:34

औंगे मेना! ऎन निम्‍है गुसन धर्मेसी कत्‍था तिंगुरिन अरा लुरगर आलारिन अरा नॆग सिखाब'उरिन तइय्यालदन। आर ती जोक्‍कोरिन नीम पिटोर अरा क्रुस नू ठोक'ओर, अरा जोक्‍कोरिन गोड़हा एड़पा नू कोर्रा ल'ओर अरा ओन्‍टा नगरे ती नन्ना नगरे खेच्का कुद्दोर।

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

लू‍कस 11:49

औंगे धर्मेसी लूर बाचा, ‘ऎन नीम यहूदीर गुसन धर्मेसी कत्‍था तिंगुरिन, अरा त‍इरकारिन त‍इय्योन, लिकिन नीम अबड़र ती जोक्‍कोरिन पिटोर अरा जोक्‍कोरिन खिलपत ननोर।’

यॊहनस 13:34

ऎन निमा गे ओन्‍टा पुना पॆसका चि'अदन, नीम ओर्त ओर्त गने चोन्‍हा नना। एकासे ऎन निमन चोन्‍हा नंजकन, अन्नेम नीम हूँ ओर्त ओर्त गने चोन्‍हा नन्‍ना र'ई।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

इफेसुस 3:4

ऎन निमा एन्देर लिखचका र'अदन, अदिन नीम पढ़'ओर होले, मसीसी गम चिताबुता ही पत्त ता एंग्है बुझुरकन नीम अख़'आ ओंगोर।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

कोलोस्से 1:7

ई दौ कत्थन नीम एम्है गने सुसर ननू एम्है चोन्हा भई एपाफ्रास ती सिख्रकर। आस एम्है ऊजी नू निम्है मझी नू मसीसी पत्त'अना जॊगे सुसर ननुस हिकदस।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

1 तीमोथियुस 3:6

कलीसिया ही ईरु-ख़ूजू मुद्धस पुना पत्त'उस अम्‍बोस र'आ। एन्ने होले आस मोठ‍ई मनोस ती सैतान गे ख़क्ख्रका दंडे बेसे ख़क्‍खोस।

तीतुस 1:9

अरा आस गे सिखाबाचका मानिम कत्‍था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही ब‍इय्यन उट'आ ओंगोस।