मत्तायोस 12:3 - पुना गच्छरना NT (BSI)

³ येसुस आरिन बाचस, “नीम नेम्हा पुथी नू एन्‍देर पढ़चकर अदिन सुरता मल नन्‍दर का? इकला दाऊद बॆलस अरा तंग्‍है संगेर कीड़ा रहचर, ख़ने आस एन्‍देर नंजस?

मत्तायोस 12:3 ပူးပေါင်းရင်းမြစ်များ

मत्तायोस 12:2

फरिसीर इदिन ईरियर ती ब'आ हेलरर, “ऎरा, निंग्‍है चेलर एन्‍ने नलख ननालनर एकदा ख़न्न ऎख़ना उल्‍ला ही नॆग ही बिड़दो र'ई।”

मत्तायोस 12:4

आस धर्मेसी एड़पा नू कालरकी नैगस धर्मेस गे दाँड़े नंजका असमन मोक्‍खस, अरा तंग्‍है संगेर गे हूँ चिच्‍चस, एकदन मॊख़ना मूसासी पॆसका नू नैगारिन अम्‍बरकी नॆका हूँ नॆग मल्‍ला।

मत्तायोस 12:5

अरा एन्‍देर नीम मूसासी नॆग नू मल्‍ला पढ़चका का नैगर ख़न्न ऎख़ना उल्‍ला धर्मेसी मन्दिर नू तंग्‍है नलखन नन्ना ती ख़न्न ऎख़ना उल्‍ला ही नॆगन चाड़ना ती हूँ आर गे बदी मल लग्‍गी?

मत्तायोस 19:4

आस आनाकिर्ताचस “एन्‍देर नीम नेम्हा पुथी नू मल्‍ला पढ़चका का? इकला धर्मेस ख़ॆख़लन गढ़चस, आस आरिन मॆत मुक्‍का गढ़चस।”

मत्तायोस 21:16

अरा येसुसिन बाचर, “नीन मेन्दय का ई ख़द्दर एन्‍देर ब'आलनर?” येसुस बाचस, “हाँ, एन्‍देर नीन नेम्हा पुथी नू इकलअम मल्‍ला पढ़चका का: ‘ख़द्दर अरा बॊलॊ ख़द्दर ही बई ती नीन ओहमा ख़क्‍खकय?’”

मत्तायोस 22:31

लिकिन केचका ती उज्‍जा चो'अना ही पत्त नू एन्‍देर नीम धर्मेसी कत्‍थन मला पढ़चका का धर्मेस मूसस ती एन्‍देर बाचस?

मरकुस 12:10

नीम नेम्हा पुथी नू मल्‍ला पढ़चका का? ‘एका पखनन राजमिस्‍त्रीर तरकूटी ताड़चका रहचर, आ पखना दिम गोट्टा एड़पन बड़ियर ननू पखना मंजा केरा।

मरकुस 12:26

नेम्हा पुथी नू एन्ने लिख्रकी र'ई का इकला धर्मेस मूसस गे लघरना ख़ोप्‍पा नू ऎथ्रस ख़ने आस बाचस, ‘ऎन अब्राहम अरा इसाक अरा याकॊबसी धर्मे हिकदन।’

लू‍कस 10:26

येसुस आसिन बाचस, “मूसासी पॆसका नू एन्‍द्रा लिख्रकी र'ई, अन्नु नीन एन्‍देर पढ़दय?”

लू‍कस 6:3

अरा येसुस आरिन किर्त'अर बाचस, “नीम नेम्हा पुथी नू एन्‍देर पढ़चकर सुरता मल नन्‍दर का? इकला दाऊद बॆलस अरा तंग्‍है संगेर कीड़ा रहचर, ख़ने आस एन्‍देर नंजस?