मत्तायोस 10:7 - पुना गच्छरना NT (BSI)

⁷ कानुम कानुम ‘धर्मेस आलर ही उज्‍जना नू राजी नन्ना बेड़ा हेद्दे अड़सा ख़च्‍चिकी र'ई’ एन्ने दौ कत्‍थन मेन्‍त‍'आ कुद्दा।

मत्तायोस 10:7 ပူးပေါင်းရင်းမြစ်များ

मत्तायोस 10:8

अरा रोगियारिन उजग'आ अरा केचकारिन उज्‍जत'आ अरा खसरा रोगियारिन कोड़े नना अरा आलर ती नाद गुट्ठिन ओथ्र'आ। नीम एंग्‍है ती इबड़ा सवंगन सिथिया ख़क्‍खकादर, नीम हूँ आलारिन सिथियम ती संगरा नना।

मत्तायोस 11:1

एकाबारी येसुस तंग्‍है बारो चेलारिन इबड़ा कत्‍थन पॆस'आ ख़च्‍चियस ती आस गलिलेया जिला ही नगरे गुट्ठी नू सिखाब'आ अरा तेंगा कुद्दा गे असले केरस।

मत्तायोस 21:31

इबड़र ती एका ओर्तर तम्‍बासी मने लेक्‍खा नंजर?” अबड़र बाचर, “कोहँस।” येसुस आरिन बाचस, “ऎन निमन मानिम ब'अदन का ऊज'उर अरा खिल्डिर निमन ती मुन्‍द धर्मेसी राजी नू कोरनर।

मत्तायोस 21:43

औंगे ऎन निमन ब'अदन का धर्मेसी राजी निम्‍है ती होतार'ओ अरा अदही ख़ंजपा चि'अना आलर गे चीर'ओ।

मत्तायोस 23:13

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम आलर ही मुन्‍दहारे मेर्ख़ा बलिन मुच्‍चदर। नीमिम हूँ कोरदर मला अरा कुर'उरिन हूँ कोर'आ मल चि'अदर। [

मत्तायोस 3:2

“जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 4:17

आ बेड़ा ती येसुस तेंगा कुद्दा हेलरस, “जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मरकुस 6:12

ख़ने चेलर नन्ना नन्ना पद्दा कालरकी आलारिन धर्मेसी कत्‍थन मेन्‍त'आलियर का आर गे जियन किर्त'अना दिम मनो।

लू‍कस 16:16

मूसासी पॆसका अरा धर्मेसी कत्‍था तिंगुर ही कत्‍था गुट्ठी यॊहन नूड़रत'उसी बरना गूटी तेंगरा। आ बेड़ा ती धर्मेसी राजी ही दौ कत्‍था तेंगर'आ लगी, अरा ओर्मर कोड़हे चिहुट ती अइय्या कोरनर।

लू‍कस 9:2

अरा आरिन धर्मेसी राजी ही पत्त नू तेंगा कुद्दा गे अरा बेमार गुट्ठिन उजग'आ गे तइय्यस।

लू‍कस 9:6

अरा चेलर उरखर ती पद्दा पद्दा दौ कत्‍था मेन्‍त'आनुम अरा उर्मी अड्डा आलारिन उजग'आ नुम केरस।

लू‍कस 9:60

लिकिन येसुस आसिन बाचस, “केचकारिन तम्‍है बॊलता नू केचका आलर माड़नर नेकअन। लिकिन नीन कला ती धर्मेस आलर ही उज्‍जना नू राजी नन्ना ही पत्त नू मेन्‍त'आ।”

यॊहनस 3:2

आस उन्‍दुल माख़ा येसुस गुसन बरचस ती बाचस, “अना गुरु, ऎम अख़दम का नीन धर्मेस तरती बरचका ओन्‍टा गुरु हिकदय। एन्‍देरगेका नीन नन्‍दय आ अजगुत नलख ही चिन्‍हा गुट्ठिन नॆ हूँ नना पोल्‍लोस, एका गूटी धर्मेस आस गने मल र'अदस।”

त‍इरकर 10:25

एकाबारी पतरस कोरचस ख़ने, कोरनेलियोस आसिन भेंट मंजस अरा आसी ख़ेडमूली खत्तरस ती ऒड़ लग्‍गियस।

त‍इरकर 28:31

अरा आस बिगर छेके-रुके ती डिढ गने धर्मेसी राजी ही पत्त नू तेंगा कुद्दा लगियस अरा उर्बस येसु मसीसी पत्त नू सिखाब'आ लगियस।

त‍इरकर 4:2

आर कैरारका रहचर, एन्‍देरगेका पतरस ‍अरा यॊहनस आलारिन सिखाब'आ लगियर का येसुस केचका ती उज्जा चॊचका र'अदस। औंगे आर‍ सोच्चर का आलर ताम हूँ केचका ती उज्जा चो'आ ओंग'ओम एन्ने पत्त'आ ओंगोर दने।