मत्तायोस 10:5 - पुना गच्छरना NT (BSI)

⁵ येसुस इबड़ा बारो तइरकारिन पॆसस ती तइय्यस, “नन-यहूदीर गुसन अमा कला अरा समारिया ता आलर ही नगरे नू अमके कोर'आ।

मत्तायोस 10:5 ပူးပေါင်းရင်းမြစ်များ

मत्तायोस 22:3

अरा इकला बेंजा मंडी सराजमा मंजका ख़ने, आस तंग्‍है जॊंख़ारिन एड्डका आलारिन बेंजा नू मॆख़'आ गे तइय्यस। आर बर'आ मल बिद्दियर।

मत्तायोस 4:15

“जबुलॊन अरा नेफतलिम देस नू, समुदर डहरे नू, यरदन ख़ाड़ ही पक्‍खे नू, गलिलेया नू बग्‍गे नन-यहूदीर,

मरकुस 6:7

उन्‍दुल आस बारो चेलारिन तंग्‍है गुसन मीख़ियस, अरा आरिन ऎंड़ ऎंड़ ननरकी नन्ना नन्ना पद्दा नू आलारिन सिखाब'आ गे त‍इय्‍या हेलरस। अरा आरिन त‍इय्‍ना ही मुन्‍द आस आर गे मलदौ बॊलतन आलर ती ओथ्र'आ गे आकुस चिच्‍चस।

लू‍कस 10:1

इबड़ा कत्था ही ख़ॊख़ा उर्बस बहत्तर अउर आलारिन चज्‍जियस अरा दुई दुई झन नंजस ती उर्मी पद्दा अरा अड्डा नू एक्सन तान कालू रहचस असन तंग्है ती मुन्‍द त‍इय्यस।

लू‍कस 10:33

तहाँ ओन्‍टा डहरे ईकू समारिया ता आलस आ अड्डा नू बरचस ती आसिन ईरियस दरा आसिन सोग्‍गे ईरियस।

लू‍कस 17:16

अरा येसुसी ख़ेडमूली खत्तरस ती आसिन धन्‍यवाद नंजस। आस समारिया ता आलस रहचस।

लू‍कस 9:1

येसुस तंग्‍है बारो चेलारिन मीख़ियस ती आर गे उर्मी मलदौ बॊलता गुट्ठी म‍इय्याँ अरा बेमार गुट्ठिन उजग'आ गे सवंग अरा आकुस चिच्‍चस।

लू‍कस 9:2

अरा आरिन धर्मेसी राजी ही पत्त नू तेंगा कुद्दा गे अरा बेमार गुट्ठिन उजग'आ गे तइय्यस।

यॊहनस 17:18

एकन्ने नीन एंगन ख़ॆख़ेल नू तइय्‍कय, अन्नेम ऎन आरिन ख़ॆख़ेल नू तइय्‍कादन।

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 4:20

एम्‍है पूरखर गा ई परता नू धर्मेसी महबा नंजर, अरा नीम यहूदीर ब'अदर का, धर्मेसी महबा नन्‍ना अड्डा येरुसलॆम नगरे लेका र'ई।”

यॊहनस 4:5

ख़ने आस समारिया राजी ता सुख़ार नामे पद्दा नू बरचस। ई पद्दा याकॊबस तंग्‍दस यॊसॆफस गे चिच्का ख़ल्ल गुसन रहचा।

यॊहनस 4:9

समारिया ता आली आसिन बाचा, “एन्‍द्रा! नीन यहूदी आलय, अरा ऎन गा समारिया ता आली। एकासे नीन एंग्‍है गुसते ओना गे अम्मु ने'अदय?” (एन्‍देरगेका यहूदीर समारिया ता आलर गने मल ओक्‍कनर इज्‍जनर।)

यॊहनस 7:35

ख़ने यहूदी मुद्धर ताम तामिम बाचर, “ईस एक्‍सन क'ओस, ख़ने नाम ईसिन बेद्दा पोल्‍लोत? ईस नन्ना राजी गुट्ठी नू युनानीर मझी नू उज्जू नम्‍है आलर गुसन क'ओस ती युनानीरिन सिखाब'ओस का?

यॊहनस 8:48

तहाँ यहूदीर बाचर, “ऎम एन्देर ब'अदम आद मानिम हिके, नीन समारिया ता आलय हिकदय, अरा नीन नाद ती रस्‍का आलय हिकदय।”

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 10:45

ख़ने पतरस गने बरचका यहूदी पत्त'ऊ आलर इदिन ईरियर ती अनचकरर केरर, एन्‍देरगेका नन-यहूदीर गे हूँ नेम्‍हा बॊलतासी इनाम ख़क्‍ख्रकी रहचा।

त‍इरकर 8:1

स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।

1 थेस्‍सलोनिकॆयर 2:16

अरा अबड़र नन-यहूदीरिन नाड़र'आ गे सिखाब'अना ती एमन छेकनर का सगरो आर ही पाप ही कट्टु नींदी। छेद्द नू आर ही मइय्याँ धर्मेसी कोड़हे खींस अंड़सकी र'ई।