मत्तायोस 10:2 - पुना गच्छरना NT (BSI)

² बारो तइरकर ही नामे एन्ने र'ई: मुन्‍द ता सिमॊन, नॆ पतरस बारदस अरा आसी भइय्योस अन्‍द्रेयस अरा जेबदयुसी तंग्‍दस याकॊब अरा आसी भइय्योस यॊहन

मत्तायोस 10:2 ပူးပေါင်းရင်းမြစ်များ

मत्तायोस 17:1

छे उल्‍ला ही ख़ॊख़ा येसुस पतरस अरा याकॊब अरा आसी भइय्योस यॊहनसिन तंग्‍है गने ओन्‍टा मेच्‍छा परता म‍इय्‍याँ होच्‍चस।

मत्तायोस 20:20

तहाँ जेबदयुसी तंग्‍आली तंग्‍दाबगर गने येसुस गुसन बरचा ती ऒड़ लग्‍गिया ती आस ती इन्द्रिइम नॆचा।

मत्तायोस 26:37

तहाँ आस पतरस अरा जेबदयुसी ऎंड़ ख़द्दारिन तंग्‍है गने होच्‍चस केरस। आस दुक्‍खे अरा खिलपत मना हेलरस।

मत्तायोस 4:18

येसुस गलिलेया समुदर ही पिं‍डी नू कुद्दा लगियस ख़ने, आस सिमॊन नॆ पतरस बारदस अरा आसी भइय्योस अन्‍द्रेयस ऎंड़ भईरिन समुदर नू जल्‍ली हेबड़ना ईरयस, आर गा केवँटर रहचर।

मत्तायोस 4:21

असले मुन्‍द केरस ती आस नन्ना ऎंड़ भ‍ईर जेबदयु तंग्‍दस याकॊब अरा आसी भइय्योस यॊहनसिन ईरियस। आर तम्‍बस जेबदयु गने डोंगा नू तम्‍है जल्‍लिन तुन'आ लगियर। येसुस आरिन मीख़ियस।

मरकुस 1:29

येसुस सिमॊन अरा अन्‍द्रेयस, याकॊब अरा यॊहनस यहूदी गोड़हा एड़पा ती उरखर। अदही ख़ॊख़ा आर लॆम सिमॊन अरा अन्‍द्रेयसी एड़पा केरर।

मरकुस 13:3

एन्ने बाचका ख़ॊख़ा येसुस चेलर गने जैतून परता केरस अरा असन धर्मेसी मन्दिर ही मुन्‍दहारे उक्‍कियस। ख़ने पतरस अरा याकॊब अरा यॊहन अरा अन्‍द्रेयस भिनेम कालरकी येसुसिन मेंजर,

मरकुस 6:30

बारा त‍इरकर येसुस आरिन त‍इय्‍काचस असलेक ती आस गुसन किर्रियर। अरा आर एन्‍देर एन्‍देर नलख नंजकाचर अरा सिखाबाचर अबड़ा उर्मिन आसिन तिंगियर।

लू‍कस 11:49

औंगे धर्मेसी लूर बाचा, ‘ऎन नीम यहूदीर गुसन धर्मेसी कत्‍था तिंगुरिन, अरा त‍इरकारिन त‍इय्योन, लिकिन नीम अबड़र ती जोक्‍कोरिन पिटोर अरा जोक्‍कोरिन खिलपत ननोर।’

लू‍कस 22:14

बेड़ा अड़सिया ख़ने, येसुस तंग्‍है बारो तइरकर गने ओना मॊख़ा गे उक्‍कियस।

लू‍कस 22:8

ख़ने येसुस पतरस अरा यॊहनसिन एन्ने बाचस ती त‍इय्यस, “कला नमा गे कट्टना ही सराजमा नना का नाम ओन संगे ओना मॊख़ा ओंग्‍दत।”

लू‍कस 5:10

सिमॊनसी संगे नलख ननू जेबदयुसी तंग्‍दस याकॊब अरा यॊहनस हूँ अकबक मंजर। ख़ने येसुस सिमॊनसिन बाचस, “अमा एल्चा, नीन अक्‍कु ती एंग्‍है तरा आलारिन ओन्‍द्रना ही नलख ननोय।”

लू‍कस 9:10

फिन बारा तइरकर किर्रियर ती ताम एन्‍देर एन्‍देर नंजकाचर अदिन येसुसिन तिंगियर। अरा येसुस आरिन बॆतसैदा नामे नगरे नू तंग्‍है गने होच्‍चस केरस असन आर तामलेका र'आ ओंगोर।

यॊहनस 12:22

फिलिप्‍पोस बरचस ती अन्‍द्रेयसिन तिंगियस। अरा अन्‍द्रेयस अरा फिलिप्‍पोस केरर ती येसुसिन तिंगियर।

यॊहनस 13:23

चेलर ती ओर्तोस, नॆकन येसुस चोन्‍हा नंजस, आस येसुसी धरी नू उक्‍का रहचस।

यॊहनस 20:2

ख़ने आद बुंगनुम सिमॊन पतरस अरा नन्‍ना चेलस गुसन बरचा, नॆकन येसुस चोन्‍हा नना लगियस। अरा आरिन बाचा, “आर उर्बासी मॆदन मसड़ा ती ओथ्रर ती होच्‍चर केरर, अरा एक्‍सन उइय्का र'अनर ऎम बलदम।”

यॊहनस 21:2

सिमॊन पतरस अरा दिदुमोस बारना तॊमस अरा गलिलेया जिला ही काना पद्दा ता नतन‍ऎलस अरा जेबदयुसी दुयो तंग्‍दा बगर अरा येसुसी अउर ऎंड़ चेलर अइय्या जुमुरका रहचर।

यॊहनस 21:20

पतरस किर्रे ईरियस ती नॆकन येसुस चोन्‍हा ननालियस आ चेलासिन ख़ॊख़ा बरना इरियस। ई चेलस दिम माख़ा ही खुड़ती ओनो बारी येसुसी एंवख़ नू ठेकारस ती मेंजस, “अना उर्बायो, निंग्‍है बिड़दो नू पपहर गे संगे चि'उस एका ओर्तस?”

यॊहनस 21:24

आ चेलस दिम इबड़ा कत्‍था ही पत्त नू गोवाह चि'अरकी इबड़ा कत्‍थन लिखचस। ऎम अख़दम का आसी गोवाह मानिम र'ई।

यॊहनस 6:67

औंगे येसुस अबड़ा बरियो चेलर ती मेंजस, “नीम हूँ अम्‍बा बेद्ददर का?”

यॊहनस 6:70

फेन येसुस आरिन बाचस, “ऎन नीम बरियोरिन चज्‍जिकन, अन्नु हूँ निम्‍है ती ओर्तोस मलदौ आलस हिकदस।”

यॊहनस 6:71

आस सिमॊन इसकारियॊतसी तंग्‍दस यूदसी पत्त नू एन्ने बाचस। आस अबड़ा बरियोर ती ओर्तोस रहचस, अन्नु हूँ आस दिम येसुसी बिड़दो नू पपहर गे संगे चिच्‍चस।

यॊहनस 6:8

आसी चेलर ती ओर्तोस, सिमॊन पतरसी भ‍इय्योस अन्‍द्रेयस आसिन बाचस,

त‍इरकर 1:13

अरा असन आर अंड़सियर ख़ने, ओन्टा पाटन कुठला नू केरर। अइय्यम पतरस अरा यॊहन अरा याकॊब अरा अन्‍द्रेयस अरा फिलिप्‍पोस अरा तॊमस अरा बरतोलोमैस अरा मत्तायोस अरा हलफैसी तंग्‍दस याकॊब अरा यहूदीर ही छछिन्‍द सैना ता सिमॊन अरा याकॊबसी तंग्‍दस यूदस र'आलियर।

त‍इरकर 1:26

तहाँ आर आर ही नामे ती चिठी टिड्डर अरा चिठी मत्तियसी नामे नू उरखा। ख़ने आस अबड़ा ग्यारा त‍इरकर गने त‍इरकस मंजस।

त‍इरकर 12:2

आस यॊहनसी भईस याकॊबसिन तलवार ती पिटताचस।

त‍इरकर 3:1

पतरस अरा यॊहनस ओनबीड़ी तीन बजे बिन्‍ती ही बेड़ा नू धर्मेसी मन्दिर कालालियर।

1 कोरिन्‍थ 15:7

अदही ख़ॊख़ा आस याकॊबस गे फेन ओर्मा तइरकर गे ऎथ्रस।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

1 पतरस 1:1

ऎन पतरस येसु मसीसी तइरकन रॊम चक पोन्‍तोस अरा गलातिया अरा कप्‍पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

2 यॊहन 1:1

ई चिठी ऎन यॊहन सेयान आलन तरती र'ई। ऎन इदन धर्मेस ती चज्ज्रका मुध आली अरा अदही ख़द्दर गे लिखदन। मानिम नू ऎन निमन चोन्हा नन्दन। ऎन लेका मला, एकार धर्मेसी मानिमन अख़नर, अबड़ा ओर्मर निमन चोन्हा नन्नर।

3 यॊहन 1:1

ई चिठी ऎन यॊहन सेयान आलन तरती र'ई। ऎन इदन एंग्है दुलारो भईस गायोस गे लिखदन, नॆकन ऎन मानिम नू चोन्हा नन्दन।

दहदर मंजका कत्‍था 1:1

ईद येसु मसीसी चिच्का दहदर हवे। चाँड़हेम मन्ना कत्था गुट्ठिन तंग्है जॊंख़र गे ऎद'आ गे धर्मेस ई दहदर आबोन येसु मसीस गे चिच्चस। येसुस तंग्है पैकासिन तइय्यस ती तंग्है जॊंख़स यॊहनस गे इदन अख़ताचस।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”

दहदर मंजका कत्‍था 22:8

ऎन यॊहन हिकदन, नॆ इबड़ा कत्‍था गुट्ठिन ईरकन अरा मेंजकन। एकाबारी ऎन ईरकन अरा मेंजकन ख़ने, एका मेर्ख़ा पैकस एंगन इबड़ा कत्‍था गुट्ठिन ऎद'आ लगियस आसिन ऒड़ लग्गा गे आसी ख़ेडमूली खत्रकन।