मत्तायोस 1:16 - पुना गच्छरना NT (BSI)

¹⁶ याकॊबस यॊसॆफसी तम्‍बस। यॊसॆफस मरियम ही तंग्‍आलस। मरियम येसुसी तंग्यो। येसुसिन मसी ब'अनर।

मत्तायोस 1:16 ပူးပေါင်းရင်းမြစ်များ

मत्तायोस 1:15

एलियूदस एलेयासरसी तम्‍बस। एलेयासरस मत्तानसी तम्‍बस। मत्तानस याकॊबसी तम्‍बस।

मत्तायोस 16:16

ख़ने सिमॊन पतरस आनाकिर्ताचस, “नीन मसी, उज्‍जना धर्मेसी ख़द्दय हिकदय।”

मत्तायोस 16:20

ख़ने येसुस चेलारिन चेताबाचस, नीम नॆकन हूँ अमके तेंगा का ऎन मसी हिकदन।

मत्तायोस 2:13

अबड़ा लूरगर आलर ही केरका ख़ॊख़ा, उर्बासी ओन्‍टा पैकस यॊसॆफस गे तुंगुल नू ऎथ्रस ती बाचस, “चो'आ, ख़द्दासिन दरा तंग्योन हो'आ ती मिसर राजी बोंगा कला अरा एका गूटी ऎन मल ब'ओन आ गूटी अइय्यम र'‍अके। इदगे का हॆरॊदॆस ख़द्दासिन पिटा गे बेद्दोस।”

मत्तायोस 27:17

आलर पिलातुसी एड़पा नू ख़ॊंड़रर ख़ने, पिलातुस आरिन बाचस, “नीम एन्‍देर बेद्ददर, ऎन निमा गे नॆकन अम्‍बोन चि'ओन? बरब्‍बसिन का मलता येसुसिन एकास मसी बातारदस?”

मत्तायोस 27:22

पिलातुस आरिन अउरिम मेंजस, “होले येसुसिन, नॆ मसी बारदस, एन्‍देर ननोन?” ओर्मर बाचर, “ईसिन क्रुस नू ठोक'आ।”

मरकुस 6:3

ईस बढ़ाईस मलदस का?, नाम अख़दत का ईस गा मरियम ही तंग्‍दस, अरा ईसी तंग्ड़िबगर याकॊब अरा यॊसॆस अरा यूदस अरा सिमॊन हिकनर। अरा ईसी बहिनोर हूँ नम्‍है पद्दा नू र'अनर।” एन्ने बाचर ती आर आसिन एन्ने म‍ईन मल नंजर।

लू‍कस 1:27

अदही यॊसॆफ नामे दाऊद बॆलासी बनस ता ओन्‍टा आलस गने पाही मंजकीचा। आ डिंडा पेल्लो ही नामे मरियम रहचा।

लू‍कस 2:48

येसुसी तंगियो तम्‍बा आसिन ईरियर ती अकबकरर। अरा आसी तंग्यो आसिन बाचा, “अना ख़द्दायो, नीन एम्‍है गने एन्‍देरगे एन्ने नंजकय? ऎरा, निम्‍बस अरा ऎन हेन्‍दो मंजकम ती निंगन बेद्दा लिक्‍कम।”

लू‍कस 3:23

येसुस तान दौ कत्‍था मेन्‍त'आ हेलरस ख़ने, आस तीस बछर ही केम रहचस। येसुस बुझ्र'आलियस का आस यॊसॆफसी तंग्‍दस। यॊसॆफस ऎलीसी तंग्‍दस।

लू‍कस 4:22

ओर्मर आसिन सहरारर, अरा एका मया ही कत्‍था गुट्ठी आसी ब‍ई ती उरखालिया, अत्रु ती अकबक मंजर। लिकिन फिन ब'आ हेलरर, “ईस यॊसॆफसी तंग्‍दस मलदस का?”

यॊहनस 4:25

आ आली येसुसिन बाचा, “ऎन अख़दन का ‘ख़्रिसतोस’ एन्ने बारना ‘मसीस’ बर'आ लगदस। आस बरदस ख़ने, एमन उर्मी कत्‍थन फरीफरी तेंगोस चि'ओस।”