लू‍कस 9:7 - पुना गच्छरना NT (BSI)

⁷ राजी ख़ापुस हॆरॊदॆस अंटिपस इबड़ा मंजका ओर्मा हलन मेंजस ती दोभिदिया मंजस केरस। एन्‍देरगेका जोक्‍क आलर बाचर का यॊहन नूड़रत'उस केचका ती उज्‍जा चॊचकादस।

लू‍कस 9:7 ပူးပေါင်းရင်းမြစ်များ

मत्तायोस 11:2

यॊहन नूड़रत'उस जेहेल नू रहचस। आस मसीसी नलख ही हलन ख़क्खियस, अरा तंग्‍है चेलारिन येसुसिन इदन मेना तइय्‍यस।

मरकुस 8:28

ख़ने आर किर्त'अर बाचर, “जोक्‍क आलर ब'अनर यॊहन नूड़रत'उस फिन उज्‍जनुम किर्रियस, अरा जोक्‍क आलर ब'अनर धर्मेसी कत्‍था तिंगुस एलियस, अरा नन्नर ब'अनर चिरान ता धर्मेसी कत्‍था तिंगुर ती ओर्तोस”

लू‍कस 13:31

आ बारिम जोक्‍क फरिसीर बरचर ती येसुसिन बाचर, “इय्या ती उरखा ती किर्रिमबि'आ, एन्‍देरगेका हॆरॊदॆस अन्‍टिपास निंगन पिटा बेद्ददस।”

लू‍कस 21:25

चन्‍दो बीड़ी अरा बीनको नू चिन्‍हा गुट्ठी ऎथ्र'ओ। अरा समुदर अरा लहरा ही ख़रख़ना ती ख़ॆख़ेल नू राजी राजिन्‍ता आलर एलचोर अरा अन्‍भूल मनोर।

लू‍कस 23:7

अरा आस एन्ने अक्‍खस का येसुस गलिलेया ता हिकदस अरा आस हॆरॊदॆसी आकुस ता हिकदस। ख़ने आस आसिन हॆरॊदॆस गुसन त‍इय्यस चिच्‍चस। अबड़ा उल्‍ला नू हॆरॊदॆस येरुसलॆम नुम र'आलियस।

लू‍कस 3:1

कैसर तिबेरयुस रोम राजिन राजी नन्ना ही पन्‍द्रा बछर नू पोन्‍तियुस पिलातुस यूदेया जिला ही राजीख़ापू रहचस। आ बेड़ा हॆरॊदॆस अंटिपस गलिलेया जिला ही बॆलस रहचस। अरा आसी तंग्ड़िस फिलिप्‍पोस इतुरैया अरा त्राख़ॊनितिस जिला ही बॆलस रहचस। अरा लुसानियास अबिलॆनॆ जिला ही बॆलस रहचस।

लू‍कस 9:19

आर किर्त'अर बाचर, “जोक्‍क आलर ब'अनर यॊहन नूड़रत'उस केचका ती उज्‍जा चॊचस अरा जोक्‍कोर ब'अनर धर्मेसी कत्‍था तिंगू एलियस मेर्ख़ा ती किर्रियस बरचस, ‍अरा नन्नर ब'अनर चीरान ता धर्मेसी कत्‍था तिंगुस ओर्तोस उज्‍जा चॊचकादस।”