लू‍कस 9:60 - पुना गच्छरना NT (BSI)

⁶⁰ लिकिन येसुस आसिन बाचस, “केचकारिन तम्‍है बॊलता नू केचका आलर माड़नर नेकअन। लिकिन नीन कला ती धर्मेस आलर ही उज्‍जना नू राजी नन्ना ही पत्त नू मेन्‍त'आ।”

लू‍कस 9:60 ပူးပေါင်းရင်းမြစ်များ

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मत्तायोस 8:22

लिकिन येसुस आसिन बाचस, “अक्‍कु एंग्‍है गने चॊंख़्र'आ, केचकारिन तम्‍है बॊलता नू केचका आलर माड़नर नेकअन।”

लू‍कस 15:24

ई एंग्‍दस केचका बेसे रहचस, लिकिन आस अक्‍कु उज्‍जालदस, अरा एबस्रका रहचस, लिकिन अक्‍कु ख़क्‍खरस।’ ख़ने आर रिरयार'आ हेलरर।

लू‍कस 15:32

लिकिन अक्‍कु नमा रिरयारना अरा रिझ्रना चाड़ र'ई। एन्‍देरगेका ईद एन्ने बेसे का निंग्‍ड़िस केचका रहचस, लिकिन अक्‍कु उज्‍जदस, अरा एबस्रका रहचस, लिकिन अक्‍कु ख़क्‍खरस।’”

1 कोरिन्‍थ 9:16

अन्नु हूँ ऎन दौ कत्‍था तेंगदन होले, इदगे एंगा फुलई मना गे अड्डा मल्‍ली, एन्‍देरगेका ऎन इदन नना गे धर्मेस एंगन बड़पेलहा नंजस। ऎन दौ कत्‍था मल तेंगोन होले एंगा गे ओहरे।

इफेसुस 2:1

नीम गा मुन्द निम्‍है अक्‍का-बलका गुट्ठी नू अरा पाप गुट्ठी नू केचका रहचकर।

इफेसुस 2:5

नाम नम्है अक्का-बलका गुट्ठी ही चड्डे केचका रहचकत ख़ने हूँ, आस नमन मसीस गने उज्‍जताचस। अरा आसी मया ती नीम नाड़रका र'अदर।

1 तीमोथियुस 5:6

लिकिन एका रड़ियाही ख़ॆख़ेल ता सुख-सौंरतन पत्तार‍'ई होले, आद उज्‍जनुम उज्‍जनुम किच्‍चकी र'ई।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।