लू‍कस 9:51 - पुना गच्छरना NT (BSI)

⁵¹ तहाँ आसी मेर्ख़ा चॊदतारना ही उल्‍ला पूरना रहचा ख़ने येसुस येरुसलॆम काना ही मने नंजस।

लू‍कस 9:51 ပူးပေါင်းရင်းမြစ်များ

मरकुस 16:19

ख़ने उर्बा येसुस आर ही गने कत्‍था कछनख्रका ही ख़ॊख़ा धर्मेस येसुसिन मेर्ख़ा होच्‍चस, अरा आस धर्मेसी तीना चोक्‍ख उक्‍कियस।

लू‍कस 12:50

एंगा सस्‍ती अरा खे'अना ही ओन्‍टा नॊड़रना हो'अना र'ई अरा अदही मन्ना गूटी ऎन खिलपत नू र'अदन।

लू‍कस 13:22

येसुस नगरे नगरे अरा पद्दा पद्दा सिखाब'अनुम येरुसलॆम तरा कालालियस।

लू‍कस 17:11

येसुस येरुसलॆम कालो बारी समारिया अरा गलिलेया मझी नू कालालियस।

लू‍कस 18:31

तहाँ येसुस बारो चेलारिन तंग्‍है गुसन मीख़ियस ती बाचस, “ऎरा, नाम येरुसलॆम कादत, अरा एवंदा कत्‍था मनवा ख़द्दन एंगा पत्त नू धर्मेसी कत्‍था तिंगुर ती लिख्रकी र'ई अबड़ा जम्मा मनो।

लू‍कस 19:11

आलर इबड़ा कत्‍थन मेना लगियर ख़ने, येसुस ओन्‍टा जोक्‍खा ख़ीरी तिंगियस। एन्‍देरगेका आस येरुसलॆम हेद्दे रहचस अरा आर सोच'आ लगियर का धर्मेसी राजी लॆम दहदर मन्ना र'ई।

लू‍कस 19:28

इबड़ा कत्‍थन बाचस ती येसुस येरुसलॆम तरा काला हेलरस।

लू‍कस 24:51

आर गे बरकत चि'अनुम चि'अनुम आरिन ‍ती छिन्‍डरस दरा मेर्ख़ा चॊदरस केरस।

लू‍कस 9:57

आर डहरे नू कालियर ख़ने ओन्टा आलस येसुसिन बाचस, “नीन एसन एसन क'ओय ऎन निंग्‍है गने चॊंख़्र'ओन।”

यॊहनस 13:1

कट्टना परब ही मुन्‍द येसुस अक्‍खस का ई ख़ॆख़लन अम्‍बना ती तम्‍बस गुसन तंग्‍है काना बेड़ा अंड़सिया। आस तंग्‍है आलर नॆ ई ख़ॆख़ेल नू रहचर, आरिन सगरो चोन्‍हा नंजका रहचस, अरा आरिन मुंजा गूटी चोन्‍हा नंजस।

यॊहनस 16:28

ऎन बंगस तरती उरखकन ती ख़ॆख़ेल नू बरचकन, अरा अक्‍कुन ऎन ख़ॆख़लन अम्‍बदन ती बंगस गुसन किर्रा कालदन।”

यॊहनस 16:5

अक्‍कु ऎन एंग्‍है तइय्युस गुसन किर्रा कालदन। अन्नु हूँ निम्‍है ती ओर्त हूँ एंगन अक्‍कुन मल मेन्‍दर का ‘नीन एक्‍सन कादय?’

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

यॊहनस 6:62

मनवा ख़द्दन ऎन मुन्‍द रहचकन आ अड्डा नू होतारनन नीम ऎरोर होले, एकासे र'ओ!

त‍इरकर 1:2

आस तान चज्‍जियस अबड़ा त‍इरकर गे नेम्‍हा बॊलतस ती पॆसका चिच्का ती मेर्ख़ा होतारना गूटी येसुस नंजका अरा सिखाबाचका उर्मी कत्‍थन अइय्यम लिखचकन।

त‍इरकर 1:9

आस इबड़न बाचका ख़ॊख़ा, आर ही ईरनुम ईरनुम आस म‍इय्याँ होतारस। अरा ओन्‍टा बदाली आर ही ईरनुम ती आसिन कुल्‍लिया चिच्‍चा।

फिलिप्‍पी 3:14

ऎन धर्मेस चि'अना इनामन ख़क्खा गे एंग्है लच्छय तरा अंड़सा गे कोड़हे चिहुट नन्दन। आ इनाम मेर्ख़ा उज्जनन ख़क्खा गेम धर्मेस एंगन मसी येसुस ती मीख़कादस।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 6:20

एन्‍देरगेका असन येसु मसीस नम्‍है ती मुन्‍द नमा गे केरका र'अदस। आस मेलख़िसेदेक लेक्‍खा उर्मी उल्‍ला गे नम्‍है कोहाँ नैग मंजका र'अदस।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।