लू‍कस 9:5 - पुना गच्छरना NT (BSI)

⁵ अरा आलर निमन मल परघ'अनर होले नीम आ नगरे ती उरखो बारिम निम्‍है ख़ेड्डे ता रीड़ोन ख़ेत्तके चि'अके। ईद आर गे निम्‍है चेताब'अना मनो।”

लू‍कस 9:5 ပူးပေါင်းရင်းမြစ်များ

मत्तायोस 10:18

अरा नीम राजीखापुर अरा बॆलर ही मुन्‍दहारे इजतार'ओर। लिकिन ईद आर गे अरा नन-यहूदीर गे एंग्‍है पत्त नू तेंगा गे निमा मोका हवे।

मरकुस 6:11

नीम एकअम अड्डा नू कादर, असला आलर निमन मल परघ'अनर अरा निम्‍हैन मल मेन्नर होले, नीम असलेक उरखो बारिम निम्‍है ख़ेड्डे ता रीड़ोन ख़ेत्तके चि'अके। ईद आर गे निम्‍है चेताब'अना मनो।”

मरकुस 9:37

“एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। इदही माने एन्ने हवे, आस एंगन लेका मल इंझ्रदस लिकिन एंगन त‍इय्‍का एंग्‍है बबासिन हूँ इंझ्रदस।”

लू‍कस 10:16

एका ओर्तस निम्‍हैन मेन्‍दस आस एंग्‍हैन मेन्‍दस। अरा एका ओर्तस निमन ख़ाँड़दस आस एंगन ख़ाँड़दस। अरा एका ओर्तस एंगन ख़ाँड़दस आस एंग्‍है त‍इय्‍कासिन ख़ाँड़दस।”

लू‍कस 5:14

ख़ने येसुस आसिन बाचस, “नॆखा ती हूँ ई पत्त नू अक्‍कुन अमके तेंगा, लिकिन कला अरा निंगन नैगासिन ऎद'आ, औंगे आस निंगन जांच'ओस का खसरा रोगे निंग्‍है ती बोंगा केरा, अरा निंग्‍है सफा मन्ना ही पत्त नू मूसस एन्‍देर दाँड़े अरग'आ गे आनकादस, अदिन दाँड़े चि'आ। ईद आलर गे गोवाह मनो का नीन सफा मन्‍तारकादय।”

लू‍कस 9:4

एका एड़पा नू नीम कोर'ओर आ एड़पा नुम र'अके एका गूटी आ नगरे ती नीम किर्रोर।

लू‍कस 9:48

अरा आरिन बाचस, “एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। अरा एका ओर्तोस एंगन इंझ्रदस आस एंगन त‍इय्‍का एंग्‍है बबासिन हूँ इंझ्रदस। अरा नॆ निम्‍है नू तंगन सन्नी ती सन्नी अख़दस आसिम धर्मेसी ऎरना नू कोहाँ र'अदस।”

त‍इरकर 13:51

तहाँ आर ही बिड़दो गोवाह चि'आ गे पौलुस दरा बरनबास तम्‍‍है ख़ेड्डे ता रिड़ोन ख़ित्तियर, अरा इकोनियोन नगरे केरर।

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”