लू‍कस 9:31 - पुना गच्छरना NT (BSI)

³¹ ईर मेर्ख़ा ता महबा गने ऎथ्रर अरा आसी खे'अना ही पत्त नू कछनख्र'आ लगियर, एकाद येरुसलॆम नू मन्‍ना रहचा।

लू‍कस 9:31 ပူးပေါင်းရင်းမြစ်များ

लू‍कस 9:22

तहाँ येसुस आरिन बाचस, “मनवा ख़द्दन एंगा गे अजम खिलपत मन्ना मनो, अरा यहूदी सेयान आलर अरा मुध नैगर अरा नॆग सिखाब'उर एंगन दुस'ओर अरा पिटोर। लिकिन ऎन तिसर उल्‍ला उज्‍जा चॊर'ओन।”

लू‍कस 9:30

अरा ऎरा! आचका ऎंड़ आलर मूसस अरा एलियस आसी गने कछनख्र'आ लगियर।

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

फिलिप्‍पी 3:21

आस नम्है पैहा नठारना ही मॆदन तंग्है महबा ही मॆद लेक्‍खम कम'ओस चि'ओस। उर्मी आलॊ गुट्ठिन तंग्है तबे नू ओन्द्रना गे पया चि'ऊ सवंग ती आस इदन ननोस।

कोलोस्से 3:4

मसीस निम्है उज्‍जना हिकदस। एकाबारी मसीस सौंसे ख़ॆख़ेल गे तंगन दहदर ननोस, नीम हूँ आस गने दहदर मनतार'ओर ती आसी महबा नू मेस्र'ओर।

इब्रानी 11:22

पत्त'अना ती यॊसॆफस तंग्‍है छेद्दे बेड़ा अंड़सिया ख़ने, आस बाचस का इस्राऎल आलर मिसर देसन अम्‍बोर ती उरखोर। अरा आर अइय्या ती उरखो बारी तंग्‍है ख़ॊचॊलन हो'आ कला गे आनियस।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

2 पतरस 1:15

औंगे एंगा खे'अना ही ख़ॊख़ा हूँ नीम इबड़ा कत्था गुट्ठिन सुरता नू उइय्या गे ऎन एन्द्रा एन्द्रा नना ओंग्दन, अदन अक्कुन ननोन।

दहदर मंजका कत्‍था 7:14

ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।