लू‍कस 9:3 - पुना गच्छरना NT (BSI)

³ आस आरिन बाचस, “डहरे ऎका गे एन्‍द्रा हूँ अमके हो'आ, सोट्टा मला, झोला मला, मंडी मला, ढिबा मला, अरा दुई गोटंग किचरी मला।

लू‍कस 9:3 ပူးပေါင်းရင်းမြစ်များ

मरकुस 6:7

उन्‍दुल आस बारो चेलारिन तंग्‍है गुसन मीख़ियस, अरा आरिन ऎंड़ ऎंड़ ननरकी नन्ना नन्ना पद्दा नू आलारिन सिखाब'आ गे त‍इय्‍या हेलरस। अरा आरिन त‍इय्‍ना ही मुन्‍द आस आर गे मलदौ बॊलतन आलर ती ओथ्र'आ गे आकुस चिच्‍चस।

लू‍कस 12:22

तहाँ येसुस तंग्‍है चेलारिन बाचस, “इदगे ऎन निमन ब'अदन, एन्‍दरन ओनोम एन्ने निम्‍है उज्‍जना गे, महले एन्‍दरन अत्तोम एन्ने निम्‍है मॆद गे घोख अमा नना।

लू‍कस 12:28

इन्ना टोंका नू र'ऊ अरा नॆला चिच्‍ची नू च'ऊ लट्टी गे धर्मेस फबना ऎथ्रना चि'अदस होले, अना पत्त'अना नू पयहा आलारो, धर्मेस निमन मानिम नू ऎरोस ख़ॊजोस दने।

लू‍कस 22:35

अउरिम येसुस बारोरिन बाचस, “इकला ऎन निमन दौ कत्थन मेन्‍त'आ गे बिगर थ‍ईला, बिगर झोला अरा अगरहा जूता ही त‍इय्‍कन ख़ने निमा इन्द्रिइम जिनिस ही घटी मंजकीचा का?” ख़ने आर बाचर, “मला।”

लू‍कस 3:11

यॊहनस आनाकिर्ताचस, “निंग्‍है गुसन दुई गोटंग अत्तना र'ई होले, ओन्टा अत्तनन नॆखा गुसन मल्‍ला आस गे चि'आ। अरा निंग्‍है गुसन मंडी र'ई होले, अदन कीड़र गे चि'आ।”

लू‍कस 5:29

तहाँ लेवीस तंग्‍है एड़पा नू येसुस गे ओन्‍टा कोहाँ मदी चिच्‍चस। अरा असन बग्‍गे मालगुजारी ऊज'उर अरा नन्ना आलर हूँ आर गने मंडी ओना उक्‍का रहचर।

लू‍कस 9:4

एका एड़पा नू नीम कोर'ओर आ एड़पा नुम र'अके एका गूटी आ नगरे ती नीम किर्रोर।

2 तीमोथियुस 2:4

एका ओर्तस सैनस र'अदस, आस तंगन ख़ॆख़ेल ता नलख गुट्ठी नू मल बझाब'अदस, लिकिन आस फउद मुद्धासिन खुसमारत'आ गे बेद्ददस।