लू‍कस 9:20 - पुना गच्छरना NT (BSI)

²⁰ अरा आस आरिन मेंजस, “ लिकिन नीम एंगन नॆ तंग्‍है ब'अदर?” पतरस किर्त'अर बाचस, “नीन धर्मेस ती त‍इरका मसी हिकदय।”

लू‍कस 9:20 ပူးပေါင်းရင်းမြစ်များ

मत्तायोस 22:42

“मसीसी पत्त नू नीम एन्‍देर सोचदर? आस नॆखअय बनस ता हिकदस?” अबड़र आसिन बाचर, “मसीस दाऊदसी ख़द्दस हिकदस।”

मत्तायोस 26:63

लिकिन येसुस कलेकले रहचस। ख़ने कोहाँ नैगस आसिन बाचस, “ऎन निंगन उज्‍जना धर्मेस ती किरिया मॊख़दन का नीन धर्मेसी ख़द्दय मसी हिकदय होले नीन उज्‍जना धर्मेस ती किरया मॊख़ा।”

मत्तायोस 5:47

नीम निम्‍है भईरिन लेका मोंजरा नन्‍दर होले नीम नन्नर ती एन्‍देर कोहाँ नलख नन्‍दर? धर्मेसिन बल्लुर हूँ एन्ने नन्नर।

मरकुस 14:61

लिकिन येसुस कलेकसे अकलगुम रहचस अरा एन्‍देर हूँ किर्त'अर मल चिच्‍चस। ख़ने कोहाँ नैगस फिन आसिन मेंजस, “नीन महबा ही जॊगे धर्मेसी ख़द्दय मसी हिकदय का?”

मरकुस 8:29

ख़ने येसुस आरिन मेंजस, “लिकिन नीम एंगन नॆ ब'अदर?” ख़ने पतरस आसिन किर्त'अर बाचस, “नीन मसी हिकदय।”

लू‍कस 22:67

“नीन मसी हिकदय होले एमन ब'आ चि'आ।” ख़ने आस बाचस, “निमन ऎन ब'ओन होले हूँ नीम मल पत्त'ओर,

लू‍कस 9:19

आर किर्त'अर बाचर, “जोक्‍क आलर ब'अनर यॊहन नूड़रत'उस केचका ती उज्‍जा चॊचस अरा जोक्‍कोर ब'अनर धर्मेसी कत्‍था तिंगू एलियस मेर्ख़ा ती किर्रियस बरचस, ‍अरा नन्नर ब'अनर चीरान ता धर्मेसी कत्‍था तिंगुस ओर्तोस उज्‍जा चॊचकादस।”

यॊहनस 1:41

अन्‍द्रेयस मुन्‍द तंग्‍है भ‍इय्योस सिमॊनस गने भेंट मंजस ती बाचस, “ऎम मसीसिन ख़क्‍खकादम।” (मसीसिन ‘ख़्रिसतोस’ एन्ने हूँ ब'अनर।)

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 11:27

आद बाचा, “हाँ उर्बायो, ऎन पत्ताचकादन का नीन धर्मेसी ख़द्दय मसी हिकदय, नॆ ई ख़ॆख़ेल नू बर'ऊ रहचस।”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 4:29

“बरा, एंग्‍है नंजका उर्मी कत्‍थन एंगा तिंका ओर्त आलासिन ऎरा! आस मसीस र'ओस दने का?”

यॊहनस 4:42

अरा आर आ आलिन बाचर, “ऎम आसिन पत्ताचकम, निंग्‍‍है बाचका ती लेका मला, अक्‍कुन ऎमिम मेंजकम अरा अक्‍कम होच्‍चकम मा‍निम नू ईसिम गोट्टा ख़ॆख़ेल ही नाड़ुस हिकदस।”

यॊहनस 7:41

अरा नन्‍नर बाचर, “ईस मसीस हिकदस।” लिकिन अउर जोक्‍कोर बाचर, “मसीस गलिलेया ती मल बर'ओस।

त‍इरकर 17:3

अरा आस अबड़ा ही माने आबोन बुझाब'आ लगियस अरा पुरुब नंजस का मसीस गे दुक्‍खे चॊदना अरा केचका ती उज्‍जा चो'अना दिम रहचा, अरा ऎन निमन ई येसुसी पत्त नू तेंगदन, ईस दिम मसीस हिकदस एन्ने बाचस।

त‍इरकर 8:36

आर कानुम कानुम ओन अड्डा नू अम्मु गुसन अंड़सियर। ख़ने मंत्रीस बाचस, “ऎरा, इसन‍ अम्मु र'ई, एंगा नॊड़र'आ गे एन्‍देर बधा र'ई?”

त‍इरकर 9:22

लिकिन स‍उलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही ब‍इय्यन खप्‍पा बाचस चिच्‍चस।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।