लू‍कस 9:18 - पुना गच्छरना NT (BSI)

¹⁸ उन्‍दुल येसुस उछिन्‍द अड्डा नू बिन्‍ती नना लगियस अरा तंग्‍है चेलर आसी गने रहचर। ख़ने आस आरिन मेंजस, “आलर एंगन नॆ तंग्‍है ब'अनर?”

लू‍कस 9:18 ပူးပေါင်းရင်းမြစ်များ

मत्तायोस 14:23

आलारिन उड्राचका ख़ॊख़ा भिन्‍गे परता नू बिन्‍ती नना गे केरस, अरा पुतबारी असन ओर्त गुना रहचस।

मत्तायोस 26:36

फिन येसुस आसी चेलर गने गेतसेमनी नामे ओन्‍टा अड्डा नू बरचर। येसुस तंग्‍है चेलारिन बाचस, “ऎन बिन्‍ती नना कालालदन, एंग्‍है किर्रना गूटी इसन उक्‍का र'आ।”

लू‍कस 11:1

ओंग्‍होन येसुस ओन अड्डा नू गोहरार'आ लगियस। आस मुंजियस ख़ने आसी चेलर ती ओर्तोस आसिन बाचस, “अना उर्बायो, नीन एमन गोहरार'आ गे सिखाब'आ एकन्ने यॊहनस तंग्‍है चेलारिन सिखाबाचस।”

लू‍कस 3:21

एकाबारी बग्‍गे आलर नॊड़रर मुंज्रर, अदही ख़ॊख़ा येसुस हूँ नॊड़रस। अरा आस बिन्‍ती ननालियस ख़ने मेर्ख़ा तिसग्रा केरा,

लू‍कस 6:12

अबड़ा उल्‍ला नू आस ओन्‍टा टुंगरी म‍इय्याँ गोहरार'आ केरस, अरा धर्मेस ती गोहरारना नू गोट्टा माख़ा पहा बाचस।

लू‍कस 9:19

आर किर्त'अर बाचर, “जोक्‍क आलर ब'अनर यॊहन नूड़रत'उस केचका ती उज्‍जा चॊचस अरा जोक्‍कोर ब'अनर धर्मेसी कत्‍था तिंगू एलियस मेर्ख़ा ती किर्रियस बरचस, ‍अरा नन्नर ब'अनर चीरान ता धर्मेसी कत्‍था तिंगुस ओर्तोस उज्‍जा चॊचकादस।”

लू‍कस 9:28

इबड़ा कत्‍था तेंगना ही आठ उल्‍ला ख़ॊख़ा येसुस पतरस अरा यॊहन‍ अरा याकॊबसिन तंग्‍है गने होच्‍चस ती परता म‍इय्याँ बिन्‍ती नना गे केरस।

लू‍कस 9:29

अरा आस बिन्‍ती ननो बारी आसी मुही ही ऎथ्रना बदलारा केरा, अरा आसी किचरी फुर्फुर'आ पंडरू मंजा ती बिल्चा हेलरा।