लू‍कस 9:11 - पुना गच्छरना NT (BSI)

¹¹ लिकिन आलर इदन अक्‍खर ती आसी ख़ॊख़ा चॊंख़्रर। अरा येसुस आरिन परघाचस, अरा आर ही गने धर्मेसी राजी ही पत्त नू तिंगियस, अरा नॆ कोड़े मना बिद्दियर आरिन कोड़े नंजस।

लू‍कस 9:11 ပူးပေါင်းရင်းမြစ်များ

मत्तायोस 12:15

इदिन अक्‍खस ती येसुस असले किर्रिम बिच्‍चियस, अरा कोड़हे आलर आसी ख़ॊख़ा गुड़ियारर अरा आस आर नू ती बेमरहा ओर्मारिन कोड़े नंजस।

मत्तायोस 14:14

आस अंड़सियस ती डोंगा ती इत्तियस ती कोहँम गोंहड़न ईरियस अरा आरिन सोग्‍गे ईरियस अरा आर ही रोगेन कोड़े नंजस।

मत्तायोस 21:31

इबड़र ती एका ओर्तर तम्‍बासी मने लेक्‍खा नंजर?” अबड़र बाचर, “कोहँस।” येसुस आरिन बाचस, “ऎन निमन मानिम ब'अदन का ऊज'उर अरा खिल्डिर निमन ती मुन्‍द धर्मेसी राजी नू कोरनर।

मत्तायोस 21:43

औंगे ऎन निमन ब'अदन का धर्मेसी राजी निम्‍है ती होतार'ओ अरा अदही ख़ंजपा चि'अना आलर गे चीर'ओ।

लू‍कस 1:53

आस कीड़ारिन दौ जिनिस ती उड़ताचस, अरा उरुब आलारिन नीदी ख़ेक्खा ओथ्रस चिच्‍चस।

लू‍कस 5:31

येसुस आरिन किर्त'अर बाचस, “कोड़े दौ आलर गे बैधसी चाड़ मल्‍ला, लिकिन बेमरहर गे र'ई।

लू‍कस 8:1

इदही ख़ॊख़ा येसुस नगरे नगरे अरा पद्दा पद्दा कुद्दनुम धर्मेसी राजी ही दौ कत्‍था मेन्‍त'आनुम कुद्दा लगियस। अरा अबड़ा बारो चेलर आसी गने रहचर।

लू‍कस 8:10

आस बाचस, “निमा धर्मेसी राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे जोक्‍खा ख़ीरी ती तेंग्र'ई। ईगेका, नेम्हा पुथी नू एन्ने लिक्‍खरकी र'ई, ‘ऎन नन्‍दन अदिन ऎरदर लिकिन अत्रु ती एन्‍द्रा हूँ मल सिख्र'ओर, ऎन ब'अदन अदिन मेन्‍दर लिकिन अदही माने मल बुझुर'ओर।’

लू‍कस 9:10

फिन बारा तइरकर किर्रियर ती ताम एन्‍देर एन्‍देर नंजकाचर अदिन येसुसिन तिंगियर। अरा येसुस आरिन बॆतसैदा नामे नगरे नू तंग्‍है गने होच्‍चस केरस असन आर तामलेका र'आ ओंगोर।

लू‍कस 9:12

अक्‍कुन बीड़ीपुता लगिया ख़ने बारो चेलर येसुसिन बरचर ती बाचर, “गोंहड़ा आबोन त‍इय्या का आर हेद्दे ता पद्दा गुट्ठी नू कालरकी ओना गे अरा र'आ गे अड्डा बेद्दोर, एन्‍देरगेका नाम इसन उछिन्‍द अड्डा नू र'अदत।”

लू‍कस 9:2

अरा आरिन धर्मेसी राजी ही पत्त नू तेंगा कुद्दा गे अरा बेमार गुट्ठिन उजग'आ गे तइय्यस।

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

त‍इरकर 28:31

अरा आस बिगर छेके-रुके ती डिढ गने धर्मेसी राजी ही पत्त नू तेंगा कुद्दा लगियस अरा उर्बस येसु मसीसी पत्त नू सिखाब'आ लगियस।

रोमी 10:14

लिकिन आलर आसिन मल पत्ताचका होले आर नाड़र'आ गे एकासे आसिन गोहरार'ओर? अबड़र आसी पत्त नू मेना हूँ मल्‍ला मेंजका होले आसिन एकासे पत्त'ओर? ओर्त हूँ आसी पत्त नू तेंगा कुद्दु मल र'ओर होले आर एकासे मेनोर?

रोमी 10:17

दौ कत्‍था मेन्ना ती पत्त'अना मनी, अरा मेन्‍तार'ई आद मसीसी कत्‍था हवे।

रोमी 15:3

मसीस हूँ तान तंगानिम रिझ्रनुम मल उज्‍जियस, एकासे का नेम्‍हा पुथी नू लिख्रकी र'ई, “निंग्‍है निंदा ननुर ही निंदा एंग्‍है म‍इय्याँ बरचिम बिच्‍चिया।”

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

इब्रानी 4:16

औंगे नाम डिढ गने नम्‍है धर्मेसी मया ही बॆल-गदिया गुसन बरदत नेक‍अन का असन आस नम्‍है म‍इय्याँ सोग्‍गे ऎरोस, अरा नम्‍है चाड़ ही बेड़ा नू नम्‍है सहाड़ा ननोस ती मया ननोस।