लू‍कस 9:1 - पुना गच्छरना NT (BSI)

¹ येसुस तंग्‍है बारो चेलारिन मीख़ियस ती आर गे उर्मी मलदौ बॊलता गुट्ठी म‍इय्याँ अरा बेमार गुट्ठिन उजग'आ गे सवंग अरा आकुस चिच्‍चस।

लू‍कस 9:1 ပူးပေါင်းရင်းမြစ်များ

मत्तायोस 16:19

ऎन निंगा‍ मेर्ख़ा राजी ही कुँची गुट्ठिन चि'ओन, अउर नीन इन्द्रिइम ख़ॆख़ेल नू नना मल चि'अदय अदन धर्मेस हूँ नना मल चि'अदस, अरा नीन इन्द्रिइम ख़ॆख़ेल नू नना चि'अदय अदन धर्मेस हूँ नना चि'अदस।”

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मत्तायोस 8:9

ऎन हूँ गा आकुस ही किइय्या ता आलन हिकदन, अरा एंग्‍है आकुस किइय्या सैनर र'अनर। ऎन ओर्तोसिन ‘बरा’ ब'अदन होले आस बरदस अरा अउर नन्नासिन ‘कला’ ब'अदन होले आस कादस अरा एंग्‍है जॊंख़ासिन ‘नना’ ब'अदन होले आस नन्‍दस। ऎन पत्त'अदन का निंगा हूँ एन्ने आकुस र'ई।”

लू‍कस 10:1

इबड़ा कत्था ही ख़ॊख़ा उर्बस बहत्तर अउर आलारिन चज्‍जियस अरा दुई दुई झन नंजस ती उर्मी पद्दा अरा अड्डा नू एक्सन तान कालू रहचस असन तंग्है ती मुन्‍द त‍इय्यस।

लू‍कस 10:19

ऎरा! निमन ऎन मलदौ बॊलता लेक्‍खा नेर्रे गुट्ठिन दरा बिछी गुट्ठिन तिरख़ा गे अरा बैरी सैतान ही उर्मी सवंग ही म‍इय्याँ सवंग चिच्कादन, अरा निमा इन्द्रिइम आलॊ ती एन्‍देर हूँ मल मनो।

यॊहनस 14:12

ऎन निमन मानिमन ब'अदन, नॆ एंग्‍है मइय्याँ पत्त'अदस, आस ऎन एका नलख गुट्ठिन नंजकादन अबड़न तान हूँ ननोस। अरा ऎन बंगस गुसन कालदन ई चड्डे आस अबड़ा ती हूँ कोहाँ नलख गुट्ठिन ननोस।

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 3:16

अरा आ येसु मसीस मइय्याँ ता पत्त'अना ती अरा आसी नामे तिम ई आलस पैया ख़क्खियस, नॆकन नीम अख़दर अरा ऎरदर। अरा येसुसी म‍इय्याँ ता पत्त'अना आद दिम नीम ओर्मर ही मुन्‍दहारे ईसिन दौ गने कोड़े नंजकी र'ई।

त‍इरकर 4:30

नीन निंग्‍है कोहाँ सवंग आबोन ऎद'आ, एकाबारी ऎम निंग्‍है नेम्‍हा जॊंख़स येसुसी नामे ती आलारिन उजग'ओम अरा चिन्‍हा अरा अजगुत नलख गुट्ठी ननोम।”

त‍इरकर 9:34

पतरस आसिन बाचस, “ऐनेयास, येसु मसीस निंगन कोड़े नन्‍दस, चो'आ ती निंग्‍है पिटरिन तेरमा।” लॆम आस चॊचस ती इज्‍जस।