लू‍कस 8:3 - पुना गच्छरना NT (BSI)

³ अरा हॆरॊदॆसी भंडारी ख़ूसासी तंग्‍आली यॊअन्ना अरा सूसन्ना अरा बग्गे नन्‍ना मुक्‍कर हूँ रहचर। ईर तम्‍है खुर्जी ती येसुस अरा आसी चेलर गे संगरा नना लगियर।

लू‍कस 8:3 ပူးပေါင်းရင်းမြစ်များ

मत्तायोस 14:1

आ बारी गलिलेया जिला ही राजी ख़ापुस हॆरॊदॆस अंटिपस येसुसी पत्त नू हलन मेंजस।

मत्तायोस 14:3

एन्‍देरगेका जोक्‍क उल्‍ला ही मुन्‍द हॆरॊदॆस अंटिपस बॆलस हॆरॊदिया आबोन उइय्‍काचस, एकाद हॆरॊदॆसी भइय्योस फिलिप्‍पोसी मुक्‍का रहचा। हॆरॊदॆस फिलिप्‍पोसी उज्‍जनुम अदिन उइय्यस। यॊहनस हॆरॊदॆसिन घड़ी घड़ी ब'आलियस, “निंगा निंग्ड़ीसी मुक्‍कन उइय्‍ना धर्मेसी नॆग ती बिड़दो र'ई।” ख़ने हॆरॊदिया ही चड्डे हॆरॊदॆस यॊहनसिन गुड़'आ गे सैनारिन त‍इय्‍का रहचस, अरा आसिन धर'अरकी जेहेल नू सजताचकाचस।

मत्तायोस 14:6

हॆरॊदॆसी कुन्‍दुर उल्‍ला अंड़सिया ख़ने, हॆरॊदिया ही तंग्‍दा हॆरॊदॆस अरा आसी पाहियर ही मुन्‍दहारे नलिया ती हॆरॊदॆसिन रिझ्रताचा।

मत्तायोस 2:11

अरा आ एड़पा नू कोरचर ती ख़द्दासिन तंग्यो मरियम गने ईरयर अरा मुलख़र‍र ती आसिन ऒड़ लग्‍गियर अरा तंम्‍है खुर्जी बकसन तिसगर ती सोना, लोबान अरा गन्‍धरस आस गे दान नंजर।

मत्तायोस 20:8

बीड़ी पुत्तिया ख़ने, उर्बस तंग्‍है भंडारीसिन बाचस ‘बनीहारिन मॆख़ा ती ख़ॊख़ा हेलरकर ती मुन्‍द हेलरका गूटी ओर्मर गे बनी चि'आ उइय्या।’

मत्तायोस 25:40

होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्‍है सन्नी ती सन्नी भइय्योर नॆखअम गने नंजकर अदिन एंग्‍है गनेम नंजकर।’

मत्तायोस 26:11

कीड़र गा निम्‍है गने सगरघड़ी र'अनर, लिकिन ऎन निम्‍है गने सगरो मल र'ओन।

मत्तायोस 27:55

असन नगदे बग्‍गे मुक्‍कर गलिलेया ती येसुसी सुसर नना गे आसी गने चॊंख़्रका रहचर, आर गेच्‍छा ती इबड़न ऎरा लगियर।

लू‍कस 24:10

आर ईर हिकनर का मरियम मगदलेनी अरा यॊअन्ना अरा याकॊबसी तंगियो मरियम अरा नन्ना मुक्‍कर हूँ आर ही गने रहचर। आरिम इबड़ा मंजका ओर्मा कत्‍थन तइरकारिन तिंगियर।

यॊहनस 12:6

आस गे कीड़र ही तिहा रहचा अदगे मल बाचस, लिकिन आस ख़लबस रहचस, अरा आसी गुसन आर ही थोलको र'आ लगिया। अरा अइय्या ती एन्‍द्रा उइय्या लगियर अदिन कभो कभो तंगा गे ओथ्र'आ हो'आ लगियस।

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

फिलिप्‍पी 4:22

उर्मी नेम्‍हा आलर निमा गे मोंजरा ब'अनर, कोड़हे गा कैसरसी गढ़िया नू नलख ननुर निमा गे मोंजरा ब'अनर।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।