लू‍कस 8:21 - पुना गच्छरना NT (BSI)

²¹ येसुस आरिन किर्त'अर बाचस, “एंग्‍है अयंग अरा भइय्योर ईरिम हिकनर, नॆ धर्मेसी कत्‍थन मेन्नर ती अदही लेक्‍खा ऎकनर।”

लू‍कस 8:21 ပူးပေါင်းရင်းမြစ်များ

याकॊब 1:22

अक्कु ती नीम धर्मेसी कत्‍थन मिनुर लेका मला, अदही लेक्खा ईकू मना। मला होले नीम नीमिम फोक्र'ऊ र'अदर।

यॊहनस 13:17

अक्‍कुन नीम इबड़ा कत्‍थन अख़दर, अरा इबड़न नीम नन्‍दर होले, धर्मेस निमन बरकत ननोस।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।

1 यॊहन 2:29

धर्मेस उजगो र'अस एन्ने नीम अक्का र'अदर होले, एन्द्रा उजगो र'ई अदन ननू ओर्मर धर्मेसी ख़द्दर र'अनर एन्ने हूँ अक्का र'अदर।

2 कोरिन्‍थ 6:18

ऎन निमा बंग र'ओन, अरा नीम एंगा ख़द्दर अरा ख़द्दो र'ओर, उर्मी ती सवंगिय उर्बन ब'अदन।”

लू‍कस 8:15

अरा जोक्‍क आलर बिहनी खत्रका दौ ख़ॆख़ेल लेक्‍खा हिकनर। आर कत्‍थन मेन्नर ती सत अरा फरी जिया नू सम्ड़'अरकी उइय्नर अरा सहेलहे गने ख़ंजनर।

2 कोरिन्‍थ 5:16

औंगे ऎम अक्कु ती नॆकन हूँ कया ही सुबहा ती मल लेखदम जोक्खदम, ऎम मुन्द मसीसिन एन्ने कया सुबहा ती लेखकम जोक्खकम, लिकिन अक्‍कु ती इकला हूँ आसिन अन्नेम मल नन्दम।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

मत्तायोस 25:40

होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्‍है सन्नी ती सन्नी भइय्योर नॆखअम गने नंजकर अदिन एंग्‍है गनेम नंजकर।’

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 28:10

ख़ने येसुस आरिन बाचस, “अमा एल्‍चा, एंग्‍है भईरिन कला ती तेंगा का गलिलेया किर्रिमबि'ओर, असन एंगन ऎरोर।”

मत्तायोस 25:45

आ बारी ऎन बॆलन किर्त'अर ब'ओन, ‘ऎन निमन मानिम ब'अदन का नीम इबड़ा सन्नी ती सन्नीर गने नॆखअम संगे मल नंजकर, अदिन एंग्‍है गने हूँ मल नंजकर।’

लू‍कस 8:20

ख़ने ओर्तोस येसुस ती बाचस, “निंगयो अरा निंग्‍है भ‍इय्योर बहरी इज्‍जका र'‍अनर अरा निंगन भेंट मना बेद्दालनर।”