लू‍कस 8:2 - पुना गच्छरना NT (BSI)

² अरा जोक्‍क मुक्‍कर हूँ आर ही गने रहचर। इबड़र मलदौ बॊलता अरा रोगे ती कोड़े मंतारका रहचर। अन्नु ती मरियम एकदा ही नामे मगदलेनी बारा अदही ती सात गोटंग मलदौ बॊलतन येसुस ओथ्रकाचस।

लू‍कस 8:2 ပူးပေါင်းရင်းမြစ်များ

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मरकुस 16:1

ख़न्न ऎख़ना उल्‍ला मुं‍जरा, ख़ने मरियम मगदलेनी अरा याकॊबसी तंग्‍यो मरियम अरा सलोमी गमगमरना इसुंग अरा गमगमरना जिनिस ख़ीन्‍दियर। इदगे का आर कालरकी येसुसी मॆद नू नलभा ओंगोर।

मरकुस 16:9

हप्‍ता ही पहिल उल्‍ला एतवार ख़ॆर चींख़ना बेड़ा येसुस केचका ती उज्‍जा चॊचस, अरा आस मुन्‍द मरियम मगदलेनी गे ऎथ्रस, अदही म‍इय्‍याँ ती सात गोटंग नादन आस ओथ्रकाचस।

लू‍कस 23:27

बग्‍गे आलर ही गोंहड़ा अरा आस गे चींख़नुम ओलख़नुम मुक्‍कर हूँ आसी ख़ॊख़ा ख़ॊख़ा काला लगियर।

लू‍कस 23:49

अरा येसुसी ओर्मा चिन्‍हार आलर अरा गलिलेया जिला ती आस गने चॊंख़्रका मुक्‍कर गेच्‍छम इज्जर ती इबड़ा उर्मिन ऎरा लगियर।

लू‍कस 23:55

अबड़ा मुक्‍कर नॆ येसुस गने गलिलेया जिला ती बरचका रहचर आर यॊसॆफसी ख़ॊख़ा ख़ॊख़ा केरर दरा मसड़न दरा आसी मॆद एकासे उइरा अदिन ईरियर।

लू‍कस 8:30

येसुस आसिन मेंजस, “निंग्‍है एन्‍देर नामे?” आस बाचस, “लेगिऒन” एन्‍देरगेका नगदे नाद आस नू समसारकी रहचा।

यॊहनस 19:25

येसुसी क्रुस ही हेद्दे येसुसी तंग्‍यो, अरा आसी तंग्‍यो ही तंग्‍ड़ी, अरा क्‍लॊपासी तंग्‍आली मरियम, अरा मगदला पद्दा ता मरियम इज्‍जका रहचर।

त‍इरकर 1:14

इबड़ा ओर्मर अरा जोक्‍क मुक्‍कर येसुसी तंग्यो मरियम, अरा आसी भ‍इय्योर गने ओन जिया मंजर ती गोहरारना अरा ने'अना नू र'आलियर।