लू‍कस 8:18 - पुना गच्छरना NT (BSI)

¹⁸ औंगे चिहुंक र'आ का नीम धर्मेसी कत्‍थन एकन्ने मेन्‍दर, नॆ एंग्‍है सिखाब'अना ही पत्त नू चिहुंक लगे सोचनर, आर गे बग्‍गे बुझुर'आ गे धर्मेस मद‍इत ननोस, लिकिन नॆ एंग्‍है सिखाब'अना ही पत्त नू चिहुंक लगे मल सोचनर, आर ही बुझुरका जोक्‍क कत्‍था गुट्ठिन हूँ धर्मेस मॊधरत'ओस चि'ओस।”

लू‍कस 8:18 ပူးပေါင်းရင်းမြစ်များ

मत्तायोस 13:12

एन्‍देरगेका नॆ एंग्‍है सिखाब'अना ही पत्त नू चिहुंक लग्‍गे सोचनर आर गे बग्‍गे बुझुर'आ गे धर्मेस संगरा ननोस, अरा आर बग्‍गे लूर ख़क्‍खोर, लिकिन नॆ एंग्‍है सिखाब'अना ही पत्त नू चिहुंक लग्‍गे मल सोचनर, आर ही बुझुरका जोक्‍क कत्‍था गुट्ठिन हूँ धर्मेस मॊधरत'ओस चि'ओस।

मत्तायोस 25:29

एन्‍देरगेका नॆखअय गुसन र'ई आस गे अउरिम चीतार'ओ अरा आसी गुसन बग्‍गे मनो कालो। लिकिन नॆखअय गुसन मल्‍ला आसी गुसले एकदा र'ई आद हूँ होतार'ओ कालो।

मरकुस 13:14

(पढ़'उर बुझुर'आ हो'आ ऎन एन्‍देर लिख'आलदन) नीम इकला आ उझड़'अना भंगड़भट्ठ ख़ाँड़ना आलॊन धर्मेसी मन्दिर ही नेम्‍हा अड्डा नू इज्‍जका ऎरोर एसन अदगे मल इजना रहचा। ई चड्डे आलर धर्मेसी मन्‍दिरन अम्‍बोर चि'ओर। अउलम यूदेया जिला नू र'उर परता म‍इय्याँ बोंके कालके।

लू‍कस 19:26

बॆलस बाचस, ‘ऎन निमन ब'अदन का नॆखा गुसन र'ई आर गे चीर'ओ, अरा नॆखा गुसन मल्‍ला आसी ती र'ई अदिन हूँ होतारो।

लू‍कस 9:44

“नीम इबड़ा कत्‍थन मेना, आलर मनवा ख़द्दन एंगन नन्ना आलर ही ख़ेक्खा नू सोंप'ओर।”

यॊहनस 15:2

एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।

त‍इरकर 10:33

औंगे ऎन लॆम निंगन मॆख़ा त‍इय्कन। अरा नीन बरचकय ती दौ नंजकय। एमा तेंगा गे उर्बस निंगा एन्‍देर एन्‍देर पॆसस अदिन मेना गे ऎम ओर्मम धर्मेसी मुन्‍दहारे ख़ॊंड़रका र'अदम।”

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

1 कोरिन्‍थ 14:37

औंगे एकअम आलस तंगन धर्मेसी कत्‍थन मुन्‍द तिंगुस मलता बॊलतासी इनाम ख़क्‍खका आलस एन्ने सोचदस होले, आस इदन इंझ्रना र'ई का एका कत्‍थन ऎन निमा लिखदन आद उर्बासी पॆसका गुट्ठी हवे।

1 कोरिन्‍थ 3:18

नीकईम तमन अम्‍बोर ठक'आ। निम्‍है मदहेर ती नीकईम तंगन ख़ॆख़ेल ही ऎरना नू लूरगर सोचदस होले, आस बोया मन्ना र'ई। होले दिम आस धर्मेसी ऎरना नू लूरगर मना ओंग्‍दस।

1 कोरिन्‍थ 8:2

एकास ऎन उर्मिन अख़दन एन्ने सोचदस होले, मानिम नू आस एकन्ने अख़ना चाड़ र'ई अन्ने अक्‍कु गूटी बलदस।

फिलिप्‍पी 3:4

ऎन एंग्है अपन चिहुट ही मइय्याँ असरा गा नना ओंग्दन। अरा एकअम नन्नस गे तंग्है चिहुट ही मइय्याँ असरा नना गे आस गे इन्द्रिइम कत्था र'ई होले, एंगा अदिन ती बग्गे र'ई।

इब्रानी 2:1

औंगे नाम एका मानी कत्‍थन मेंजकादत अबड़न नमा बॆस लगे चिहुंक ती नन्ना र'ई। एन्ने अम्‍बन मना का ना‍म अबड़ा मानी ती बेहड़ार'ओत कालोत।