लू‍कस 7:47 - पुना गच्छरना NT (BSI)

⁴⁷ औंगे ऎन निंगन ब'अदन का इदही पाप बग्‍गे रहचा आद अम्‍बतारा केरा, एन्‍देरगेका ईद एंग्‍है म‍इय्याँ बग्‍गे चोन्‍हा नंजा। लिकिन नॆख'आ जुक्‍की अम्‍बतारा आर जुक्‍की चोन्‍हा नन्‍नर।”

लू‍कस 7:47 ပူးပေါင်းရင်းမြစ်များ

मत्तायोस 10:37

नॆ अयंग मलता बंगासिन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस। अरा एकास तंग्‍दासिन मलता तंग्‍दन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस।

लू‍कस 7:39

येसुसिन मंडी ओना गे मीख़का आ फरिसीस तंग्‍है जिया नू सोच'आ हेलरस का, “ईस धर्मेसी कत्‍था तिंगुस रहचका होले अख़'ओस दने का आसिन ऎंसड़'आ लगी आद नॆ तंग्‍है अरा एकासे मुक्‍का हवे, अरा आद गा मलदौ आली हवे।”

लू‍कस 7:46

नीन एंग्‍है कुक्‍कु नू इसुंग मल नलिबकय, लिकिन ईद एंग्‍है ख़ेड्डे नू महमहरना इसुंगन नलबिया।

लू‍कस 7:48

अरा येसुस आ मुक्‍कन बाचस, “निंग्‍है पाप अम्‍बतारा केरा।”

त‍इरकर 5:31

धर्मेस दिम आसिन उर्बस अरा बछाब'ऊ नंजस ती तंग्‍है तीना चोक्‍ख म‍ईन ही अड्डन चिच्‍चस, एकत्रु का आस इस्राऎल आलर गे जिया किर्त'अना अरा पाप छमा चि'ओस।

रोमी 5:20

आलर तमन एवंदा पपहा र'अनर अदिन अख़'आ गे आर गे धर्मेसी पॆसका चितारा। लिकिन आलर अउरिम कोड़हे पाप नंजर अरा धर्मेसी मया हूँ कोड़हे मंजा।

2 कोरिन्‍थ 5:14

मसीसी चोन्‍हा गा एमन तंग्है तबे ननी, एन्देरगेका ऎम इदन बुझुरकम का ओर्तोस ओर्मर गे केचकादस, ख़ने ईद एन्ने लेक्खा ईद'ई का, ओर्मर केचकानर।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

इफेसुस 6:24

नॆ नम्‍है उर्बस येसु मसीसिन मल मुंज्रना चोन्‍हा ती चोन्हा नन्नर, आर ओर्मर मइय्याँ धर्मेसी मया मनन नेकअन।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

1 तीमोथियुस 1:14

नम्‍है उर्बासी मया गा एंग्‍है म‍इय्याँ कोड़हे ती कोड़हे मंजा अरा अदही संगे मसी येसुस नू र'ई आ पत्त‍'अना अरा चोन्‍हा चीतारा।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

1 यॊहन 3:18

अना ख़द्दारो, नाम चोन्हा आबोन कत्था ती महले कछनख्रना ती ईद'ऊ मला, लिकिन नलख ती अरा मानी जिया ती चोन्हा आबोन ईद'ऊ र'अना र'ई।

1 यॊहन 4:19

नाम चोन्हा नन्दत एन्देरगेका मुन्द धर्मेस नमन चोन्हा नंजस।

1 यॊहन 5:3

धर्मेसी पॆसका गुट्ठिन पॆस्रना दिम धर्मेसिन चोन्हा नन्ना हवे। अरा आसी पॆसका गुट्ठी ओत्था मलकी।