लू‍कस 7:39 - पुना गच्छरना NT (BSI)

³⁹ येसुसिन मंडी ओना गे मीख़का आ फरिसीस तंग्‍है जिया नू सोच'आ हेलरस का, “ईस धर्मेसी कत्‍था तिंगुस रहचका होले अख़'ओस दने का आसिन ऎंसड़'आ लगी आद नॆ तंग्‍है अरा एकासे मुक्‍का हवे, अरा आद गा मलदौ आली हवे।”

लू‍कस 7:39 ပူးပေါင်းရင်းမြစ်များ

मत्तायोस 20:16

एन्नेम ख़ॊख़ान्‍तर, मुन्‍द मनोर, अरा नॆ मुन्‍द र'अनर, आर ख़ॊख़ा मनोर।”

मत्तायोस 21:11

अरा आलर बाचर, “गलिलेया जिला ही नासरेत पद्दा ता धर्मेसी कत्‍था तिंगू येसुस।”

मरकुस 7:21

एन्‍देरगेका आलर जिया नू मलदौ सोचनर। ई चड्डे आर पेहरन ही सोतरा नलख नन्नर अरा आर ख़ड़नर, आल पिटनर, नन्ना आली गुसन कानर,

लू‍कस 12:17

ख़ने आस सोच'आ हेलरस, ऎन एन्‍देर ननोन? एंग्‍है खुर्जिन उइय्या गे अड्डा मल्‍ला।

लू‍कस 15:2

फरिसीर अरा नॆग सिखाब'उर, “ईस गा पपहा आलर गने भिड़ाब'अदस अरा आर ही गने ओन्‍दस मॊख़दस” ब'अरकी कुटमुटर'आ हेलरर।

लू‍कस 16:3

ख़ने आ ईरु-ख़ूजुस तंग्‍है ती बाचस, ‘ऎन एन्‍देर ननोन? एंग्‍है उर्बस गा एंगन ईरु-ख़ूजू नलख ती ओथ्र'आ लगदस। एंगा गा ख़ज्‍ज अरख़ा गे पया मल्‍ला, अरा तेम्‍बा गे हूँ लजरदन।

लू‍कस 18:4

जोक्‍क उल्‍ला गूटी गा आस अदिन मल मेंजस, लिकिन ख़ॊख़ा तान तानिम बाचस, ‘ऎन धर्मेसिन मल एल्‍चदन अरा आलारिन हूँ मल गदन'अदन।

लू‍कस 3:8

जियन किर्त'अना ही जॊगे नलख नना। नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस!

लू‍कस 7:16

ओर्मर गे इल्चका कोरचा केरा, अरा धर्मेसी ओहमा नंजर ती ब'आ लगियर, “नम्‍है मझी नू ओन्‍टा कोहाँ धर्मेसी कत्‍था तिंगुस बरचकादस, अरा धर्मेस तंग्‍है आलर मइय्याँ सोग्‍गे ईरकादस।”

लू‍कस 7:37

आ नगरे नू ओन्‍टा मलदौ मुक्का अक्‍खा का येसुस फरिसीसी एड़पा नू मंडी ओनालदस। होले आद नॆता पखना ही ओन्‍टा कुड़वा नू महमहरना इसुंगन ओन्‍द्रा बरचा।

लू‍कस 7:38

अरा येसुसी ख़ेड्डे गुसन ख़ॊख़ा इज्‍जा ती चींख़नुम, आसी ख़ेड्डेन ख़ंजलख़ो ती नूड़िया। अरा तंग्‍है कुक्‍कु ता चुट्टी ती चींचा हेलरा, अरा आसी ख़ेड्डेन घड़ी घड़ी चुंखिया ती अइय्या महमहरना इसुंगन नलबिया।

लू‍कस 7:40

येसुस आसिन आना बिड़दस, “अना सिमॊन, एंगा निंगन ओन्‍टा कत्‍था ब'अना र'ई।” आस बाचस, “अना गुरु, ब'आ।”

यॊहनस 4:19

आ आली बाचा, “उर्बायो! अक्कु ऎन अख़दन का नीन ओन्‍टा धर्मेसी कत्‍था तिंगू हिकदय।

यॊहनस 7:12

अरा गोंहड़ा नू आलर ढ़ॆर कत्‍था आसी पत्त नू तम्‍है नू कले कले कछनख्र'आ लगियर। जोक्‍क आलर ब'आ लगियर, “आस दौ आलस”, लिकिन नन्नर ब'आ लगियर “मला, आस आलारिन भेंवाब'अदस।”

यॊहनस 9:24

फेन आर अन्धहा रहचस आसिन दोसर खेप हूँ मीख़ियर ती बाचर, “धर्मेसी मुन्दहारे किरिया मॊख़ा का नीन मानिम ब'अदय। ऎम अख़दम का आस पपहा आलस।”