लू‍कस 7:36 - पुना गच्छरना NT (BSI)

³⁶ अक्‍कुन सिमॊन नामे ओन्‍टा फरिसीस येसुसिन तंग्‍है गुसन मंडी ओना गे मीख़ियस। ख़ने आस आ फरिसीसी एड़पा केरस अरा मंडी ओना गे उक्‍कियस।

लू‍कस 7:36 ပူးပေါင်းရင်းမြစ်များ

लू‍कस 11:37

येसुस कछनख्र'आ लगियस ख़ने, ओर्त फरिसीस आसिन मीख़ियस एंग्‍है गने मंडी ओना गुचा। ख़ने येसुस भितरी कोरचस ती मंडी ओना गे उक्‍कियस।

लू‍कस 14:1

ओन्‍टा ख़न्न ऎख़ना उल्‍ला नू येसुस फरिसीर ही मुद्धासी एड़पा नू मंडी ओना केरस, अरा आलर येसुसिन जोह'आलियर।

लू‍कस 7:34

अरा मनवा ख़द्दन ऎन बने उन्नुम मॊख़नुम बरचकादन। ख़ने नीम ब'अदर का ऎन पेट पोसा अरा उंखुस अरा मलगुजारी ऊज'उर अरा पपहर ही संगेन हवे।

लू‍कस 7:35

लिकिन एंग्‍है लूर मानिम ब'अरकी अदिन इंझरना ती नॆ ऎकनर आर ही उज्‍जना ओक्‍कना ती आद ईथर'ई।”

लू‍कस 7:37

आ नगरे नू ओन्‍टा मलदौ मुक्का अक्‍खा का येसुस फरिसीसी एड़पा नू मंडी ओनालदस। होले आद नॆता पखना ही ओन्‍टा कुड़वा नू महमहरना इसुंगन ओन्‍द्रा बरचा।