लू‍कस 7:26 - पुना गच्छरना NT (BSI)

²⁶ होले नीम एका बेसे आलासिन ऎरा केरका रहचकर? ओन्टा धर्मेसी कत्‍था तिंगुसिन का? हाँ, लिकिन ऎन निमन ब'अदन का यॊहन ओन्टा धर्मेसी कत्‍था तिंगुस ती कोहँस।

लू‍कस 7:26 ပူးပေါင်းရင်းမြစ်များ

लू‍कस 1:76

अना एंग्‍है ख़द्दायो, नीन उर्मी ती कोहाँ धर्मेसी कत्‍था तिंगू आल बार'ओय, एन्‍देरगेका नीन उर्बासी डहरेन सपड़'आ गे आसी मुन्‍द ऎ‍कोय।

लू‍कस 16:16

मूसासी पॆसका अरा धर्मेसी कत्‍था तिंगुर ही कत्‍था गुट्ठी यॊहन नूड़रत'उसी बरना गूटी तेंगरा। आ बेड़ा ती धर्मेसी राजी ही दौ कत्‍था तेंगर'आ लगी, अरा ओर्मर कोड़हे चिहुट ती अइय्या कोरनर।

लू‍कस 20:6

अरा आलर आकुस चिच्‍चर एन्ने ब'ओत होले, ओर्मा आलर नमन पखना ती लोड़ग'ओर। एन्‍देरगेका आर पत्ताचर का यॊहनस धर्मेसी कत्‍था तिंगुस रहचस।”

लू‍कस 7:25

महले एका बेसे आलासिन ऎरा केरका रहचकर? लेपलेपे किचरी अत्तका आलासिन का? मला, नॆ लेपलेपे किचरी अत्तनर आर बॆल एड़पा नू र'अनर।

लू‍कस 7:27

ईसी पत्त नू नेम्हा पुथी नू एन्ने लिख्रकी र'ई, ‘ऎरा, ऎन एंग्‍है पैकासिन निंग्‍है ती मुन्‍द तइय्या लगदन, आस निंग्‍है मुन्‍द निंगा गे डहरेन सपड़'ओस।’