लू‍कस 7:22 - पुना गच्छरना NT (BSI)

²² अरा येसुस आरिन बाचस, “नीम एन्‍देर एन्‍देर ईरकर अरा मेंजकर अदिन कला ती यॊहनसिन तेंगा चि'आ, अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

लू‍कस 7:22 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 21:14

अन्धहा अरा लेंगडर धर्मेसी मन्दिर नू आसी गुसन बरचर, अरा आरिन आस कोड़े नं‍जस।

लू‍कस 4:18

“उर्बासी बॊलता एंग्‍है म‍इय्याँ र'ई, इदगे का आस एंगन कीड़र गे दौ कत्‍था मेन्‍त'आ गे चज्जिकादस। अरा आस एंगन हॆंरकारिन बछरनन तेंगा गे, अरा अन्‍धारिन ऎरत'आ गे, अरा ओर्मा तिरख़रकारिन छोड़ाब'आ गे,

लू‍कस 7:21

आ बेड़ा नुम येसुस कुदहा आलारिन बेमार अरा नुंजना गुट्ठी अरा मलदौ बॊलता गुट्ठी ती कोड़े ननालियस। अरा बग्‍गे अन्धहा आलारिन कोड़े नंजस।

लू‍कस 7:23

अरा यॊहनसिन तेंगा, ‘एंग्‍है चड्डे एका ओर्तोस तंग्‍है पत्त'अना नू मल मूड़दस आस आसीस ख़क्‍खोस।’”

यॊहनस 1:46

लिकिन नतनऎलस फिलिप्‍पोसिन बाचस, “नासरेत हिके का! नासरेत ती एकअम बॆस बर'आ ऊंगी का?” फिलिप्‍पोस बाचस, “बरा ती ऎरा।”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

त‍इरकर 8:7

नॆखा नॆखा नू मलदौ बॊलता गुट्ठी रस्‍सकीचा, अबड़ा आर ती जॊरसरिया चिच्चि‍यारनुम उरखा। अरा कैनो बग्‍गे लकवा बेमरहर अरा लेंगड़ा आलर कोड़े मंजर।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?