लू‍कस 7:13 - पुना गच्छरना NT (BSI)

¹³ उर्बस अदिन ईरयस ख़ने आस गे अदही म‍इय्याँ सोग्‍गे लग्‍गिया, अरा अदिन बाचस, “अमय चींख़य।”,

लू‍कस 7:13 ပူးပေါင်းရင်းမြစ်များ

मरकुस 8:2

“एंगा ई गोंहड़न सोग्‍गे लग्‍गी, एन्‍देरगेका ईर तीन उल्‍ला ती एंग्‍है गने र'अनर। अक्‍कुन गा आर ही गुसन ओन्ना-मॊख़ना मुंज्रा।

लू‍कस 10:1

इबड़ा कत्था ही ख़ॊख़ा उर्बस बहत्तर अउर आलारिन चज्‍जियस अरा दुई दुई झन नंजस ती उर्मी पद्दा अरा अड्डा नू एक्सन तान कालू रहचस असन तंग्है ती मुन्‍द त‍इय्यस।

लू‍कस 11:1

ओंग्‍होन येसुस ओन अड्डा नू गोहरार'आ लगियस। आस मुंजियस ख़ने आसी चेलर ती ओर्तोस आसिन बाचस, “अना उर्बायो, नीन एमन गोहरार'आ गे सिखाब'आ एकन्ने यॊहनस तंग्‍है चेलारिन सिखाबाचस।”

लू‍कस 11:39

उर्बस आसिन बाचस, “नीम फरिसीर मौनी दरा छिपा गुट्ठिन बहरी बहरी मंजदर, लिकिन निम्‍है भितरी चिबाख़ारना अरा मलदौ ती निन्‍दकी र'ई।

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

लू‍कस 13:15

ख़ने उर्बस आसिन बाचस, “अना उतुरमाड़ू आलारो, निम्‍है ती ओर्मर ख़न्न ऎख़ना उल्‍ला नू अड्डोन महले गदहान गोयसाली ती बिछरदर ती अम्‍मु ओन्‍त'आ गे मल हो'अदर का?

लू‍कस 17:5

बारो तइरकर उर्बासिन बाचर, “एमन कोड़हे बड़ियर पत्त'आ गे संगरा नना।”

लू‍कस 17:6

उर्बस बाचस, “निमा गे ओन्‍टा मनी बिहनी लेक्‍खा पत्त'अना रहचका होले हूँ, नीम ई तुंती मन्नन ब'ओर, ‘नीन चड़र'अय ती समुदर नू इदर'अय कलय’ होले आद निम्‍है पॆसकन मन'ओ दने।”

लू‍कस 18:6

उर्बस बाचस, “मेना ई मलदौ नेंव‍ई ननुस एन्‍देर बाचस?

लू‍कस 19:8

जक्‍कईस उर्बासी मुन्‍द इज्‍जस ती बाचस, “अना उर्बायो! ऎन एंग्‍है ओन भाग खुर्जिन किड़र गे चि'ओन, अरा नेखैन नेंव‍ई ती बिड़दो होच्‍चकादन होले, आर गे चार गुना किर्रत'ओन चि'ओन।”

लू‍कस 22:61

अरा येसुस पतरसिन किर्रे ईरियस। ख़ने पतरस गे उर्बासी कत्‍था सुरता बरचा का, “इन्नम ख़ॆर चींख़ना ती मुन्‍द नीन एंगन तीन हॆल बलदन ब'ओय।”

लू‍कस 24:3

लिकिन भितरी केरर होले उर्बा येसुसी मॆदन मल ख़क्‍खियर।

लू‍कस 24:34

अबड़र ब'आ लगियर, “येसुस मानिम उज्‍जा चॊचकादस, अरा सिमॊनस गे ऎथ्रस।”

लू‍कस 7:12

आस नगरे ही फाटक गुसन अंड़सियस ख़ने, आलर ओन्‍टा केचका ‍आलासिन चेड़'अरकी बहरी हो'आ लगियर। आस तंगियो ही ओन्‍टे लेका ख़द्दस रहचस। अरा आद रड़ीयाही रहचा। अरा आ नगरे ता ढ़ॆर आलर अदही गने रहचर।

लू‍कस 7:14

आस हेद्दे केरस ती सार आबोन एवंढरस, ख़ने चिड़'ऊ आलर इज्‍जर केरर। अरा आस बाचस, “अना जॊंख़ायो, ऎन निंगन ब'अदन चो'आ।”

लू‍कस 7:19

अरा येसुसिन इदिन मेना गे तइय्यस, “बर'ऊ मसीस नीनिम हिकदय का महले एकअम नन्‍नारिन ऎम पाब ऎरोम का?”

लू‍कस 8:52

ओर्मर अदगे चींख़ा ओलख़ा लगियर, लिकिन येसुस बाचस, “अमा चींख़ा! आद मल्‍ला केचका लिकिन ख़न्‍द्र'आ लगी।”

यॊहनस 11:3

औंगे अबड़ा दुयो बहिनर येसुसिन कत्था तइय्यर, “उर्बायो, नीन नॆकन चोन्‍हा नन्‍दय आस बेमार र'अस।”

यॊहनस 20:13

अरा मेर्ख़ा पैकर अदिन मेंजर, “अनय आली! नीन एन्‍देरगे चींख़ा लगदी?” आद बाचा, “आर एंग्‍है उर्बासिन होच्‍चर केरर, अरा एक्‍सन उइय्‍का र'अनर ऎन बलदन।”

यॊहनस 20:15

ख़ने येसुस अदिन बाचस, “अनय आली, नीन एन्‍देरगे चींख़ालदी? नॆकन बेद्दालदी?” मरियम आसिन बटकी ख़पुस बाचा ती आसिन बाचा, “उर्बायो, नीन आसिन होच्‍चकादय होले, तेंगा एक्‍सन उइय्‍कादय, अरा ऎन आसिन हो'ओन।”

यॊहनस 4:1

येसुस यॊहनस ती बग्‍गे आलारिन चेला कमदस अरा नॊड़रत'अदस, एन्ने फरिसीर मेंजर, अदन येसुस अक्‍खस। ख़ने आस यूदेया जिला आबोन अम्‍बियस ती गलिलेया जिला किर्रिम बिच्‍चियस। (येसुस तान मला, लिकिन आसी चेलर नॊड़रत'आ लगियर।)

यॊहनस 6:23

फेन तिबेरया ती जोक्को डोंगा गुट्ठी, उर्बस धन्‍यवाद नंजस ती असमन आलर गे ख़ट्टका अड्डा हेद्दे बरचकी रहचा।

1 कोरिन्‍थ 7:30

अरा नॆ चींख़नर, आर मल चींख़ना लेक्‍खा र'अन नेकअन। अरा नॆ रिरयरनर, आर मल रिरयारना लेक्‍खा र'अन नेकअन। अरा नॆ एन्‍दरन ख़ीन्‍दू आलर र'अनर, आर आद तमा मल्‍ला बेसे र'अन नेकअन।

1 थेस्‍सलोनिकॆयर 4:13

अक्‍कु भईरो, केचका आलर ही पत्त नू नीम बल्‍लुर लेक्‍खा र'आ गे, अरा अदही पत्त नू असरा मल्‍ला आर ही लेक्‍खा नीम दुक्‍ख नू र'आ गे ऎम मल बेद्ददम।

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।