लू‍कस 6:6 - पुना गच्छरना NT (BSI)

⁶ अउर ओन्‍टा ख़न्न ऎख़ना उल्‍ला नू येसुस गोड़हा एड़पा नू केरस ती सिखाब'आ हेलरस, अरा असन ओन्‍टा आलस रहचस आसी तीना ख़ेक्खा ख़ैकी रहचा।

लू‍कस 6:6 ပူးပေါင်းရင်းမြစ်များ

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

लू‍कस 13:10

येसुस ओन्‍टा ख़न्न ऎख़ना उल्‍ला नू ओन्‍टा गोड़हा एड़पा नू सिखाब'आलियस।

लू‍कस 14:3

ख़ने येसुस फरिसीरिन अरा नॆग सिखाब'उरिन बाचस, “एन्‍देर ख़न्न ऎख़ना उल्‍ला नू कोड़े नना गे नॆग छिक'ई का?”

लू‍कस 4:16

फिन आस नासरेत नू बरचस, एसन आस पॊसरका परदका रहचस। अरा तंग्‍है चाल ही लेक्‍खा यहूदी ख़न्न ऎख़ना उल्‍ला नू यहूदीर ही गोड़हा एड़पा केरस। असन आस धर्मेसी पुथिन पढ़'आ गे इज्‍जस।

लू‍कस 4:31

तहाँ येसुस गलिलेया जिला ही कफरनहूम नगरे नू केरस। अरा ख़न्न ऎख़ना उल्‍ला नू आलारिन सिखाब'आलियस।

लू‍कस 6:1

ओन ख़न्न ऎख़ना उल्‍ला नू येसुस ख़ल्ल गुट्ठी नू मन्नुम कालियस, अरा तंग्‍है चेलर बालन तोंखा तोंखा ख़ेक्खा ती रमद'आ रमद'आ मोक्‍खर।

लू‍कस 6:5

अरा येसुस आरिन बाचस, “मनवा ख़द्दन एंगा हूँ एंग्‍है गने चॊंख़्र‍'उर गे ख़न्न ऎख़ना उल्‍ला नू एन्‍देर एन्‍देर नन्ना र'ई, अदही फैसला नना गे अदिया र'ई।”

यॊहनस 5:3

इबड़ा नू ढ़ॆर बग्‍गे रोगियर अन्धहा, लेंगड़ा, ख़ेड्डे-खेक्‍खा ख़इका आलर बिड़िरका रहचर। [अरा अम्मु ही नुक्रनन पाब ऎरा लगियर।

यॊहनस 9:16

तहाँ फरिसीर ती जोक्‍कोर बाचर, “ईस धर्मेस तरती मलकस, एन्‍देरगेका ईस ख़न्‍न एख़ना उल्‍ला ही नॆगन मल मनदस।” लिकिन नन्नर बाचर, “ओर्त पपहा आलस एकासे एन्ने लेक्‍खा अजगुत नलख ही चिन्‍हन नना ओंग्‍दस?” ख़ने आर तम्‍है नू ख़ाड़रर केरर।