लू‍कस 6:23 - पुना गच्छरना NT (BSI)

²³ आर इबड़न नन्नर ख़ने नीम खुसमार'अरकी रिझ्र'आ, एन्‍देरगेका मेर्ख़ा नू निमा ख़क्ख्र'ऊ इनाम कोहाँ र'ई। सुरता नना का आर ही पूरखर हूँ धर्मेसी कत्‍था तिंगुर गने एन्नेम ननालियर।

लू‍कस 6:23 ပူးပေါင်းရင်းမြစ်များ

मत्तायोस 5:12

औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

लू‍कस 1:41

एकाबारी एलिसबेत मरियम ही परिछ'अनन मेंजा, ख़नेम ख़द्द अदही ऒदर नू उदकारा, अरा एलिसबेत नेम्‍हा बॊलतस ती निन्‍दिया केरा।

लू‍कस 1:44

निंग्‍है परिछ'अना कत्‍था एंग्‍है ख़ेबदा नू मेन्‍द्रा ख़ने एंग्‍है ऒदर नू र'ऊ ख़द्द रिझ ती उदकारा।

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

त‍इरकर 14:10

ख़ने जॊरसरिया बाचस, “चो'आ अरा निंग्‍है ख़ेड्डे ती उजगो इज'आ।” आस उदकारस ती कुद्दा नुंगा हेलरस।

त‍इरकर 3:8

अरा आस उदकारस ती इज्‍जस ती कुद्दा नुंगा हेलरस। अरा आस ईकनुम अरा उदकारनुम अरा धर्मेसी ओहमा नन्नुम आर ही गने धर्मेसी मन्दिर ही चाली नू कोरचस।

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।

रोमी 5:3

अरा ईद ती लेका मला नाम नम्‍है खिलपत नू हूँ रिझ्रदत। एन्‍देरगेका नाम अख़दत का खिलपत ती सहना,

2 कोरिन्‍थ 12:10

औंगेम ऎन मसीसी चड्डे एंगा मंजका पयहा ही पत्त नू, अरा लज्जे ही पत्त नू, अरा खिलपत ही पत्त नू, अरा खैतारना ही पत्त नू, सस्ती ही पत्त नू ऎन रिझ गने र'अदन। एन्देरगेका ऎन एकाबारी पयहा र'अदन, आ बारी ऎन सवंगिय र'अदन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

इब्रानी 11:26

आस मसीस गे हींड्रनन मिसर ता खुर्जी ती कोहाँ जॊगे बुझ्रस। आस गा धर्मेसी बरना कोड़हे इनाम गे पाब ऎरा लगियस।

इब्रानी 11:6

बिगर पत्त'अना ती धर्मेसिन नॆ हूँ इकला हूँ रिझ्रत'आ पोल्‍लोर। एन्‍देरगेका धर्मेस गुसन बरना आलर पत्त'अना र'ई का धर्मेस र'अस अरा आस तंगन बिद्दू आलर गे इनाम चि'ओस।

याकॊब 1:2

अना एंग्‍है भईरो, एका एका बारी निमा गे कैनो रकम ही सस्ती गुट्ठी मनी, आ बारी निम्है पत्त'अना ही बिढ़्रना निमा गे खतिर म‍न्नन चि'ई एन्ने अक्कर ती अदन रिझ्रना बुझुरके।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

दहदर मंजका कत्‍था 2:17

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन जोक्क नूख़्रका मन्‍ना आबोन चि'ओन, अरा पुना नामे लिक्खरका ओन्टा पंडरू पखना आबोन चि'ओन। एका ओर्तस आ पखनन ख़क्‍खदस आसिन अम्बरकी नॆ हूँ आ नामेन बलदस।

दहदर मंजका कत्‍था 2:26

अरा एकास जितदस ती मुंज्रना गूटी एंगन मन्दस, आस गे ऎन एकासे एम्‍बस गुस्‍ते अदिया ख़क्‍खकादन अन्नेम जाती जाती ही मइय्याँ अदिया चि'ओन। अरा आस पूरा अदिया ती आरिन राजी ननोस, अरा आस आरिन ख़ज्‍जो ही संजगी गुट्ठी लेक्खा ख़ोट्टोस चि'ओस। अरा ऎन आस गे बिज-बीनकोन चि'ओन।

दहदर मंजका कत्‍था 2:7

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्‍जना मन्न ही ख़ंजपन मॊख़ा चि'ओन, एकदा धर्मेसी परदे‍सोस नू र'ई।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।

दहदर मंजका कत्‍था 3:12

नॆ जित'ओस आसिन ऎन एंग्‍है धर्मेसी मन्दिर नू ओन्टा खुटा कम'ओन। अरा आस इकला हूँ अइय्या ती मल गुछर'ओस। अरा ऎन आसी मइय्याँ एंग्है धर्मेसी नामेन अरा एंग्‍है धर्मेसी नगरे ही नामेन लिख'ओन। पुना येरुसलॆम दिम धर्मेसी नगरे हवे। ईद एंग्है धर्मेस ती मेर्ख़ा तरती इत्त'ई। अरा ऎन एंग्‍है पुना नामेन हूँ आसी मइय्याँ लिख'ओन।

दहदर मंजका कत्‍था 3:5

नॆ जित'ओस आस गे अन्नेम पंडरू किचरी अत्ततार'ओर। अरा ऎन आसी नामेन उज्‍जना ही पुथी ती कहियों मल मेट'ओन। लिकिन आसी नामेन एम्बासी अरा आसी मेर्ख़ा पैकर की मुन्दहारे तेंगर'ओन।