लू‍कस 6:18 - पुना गच्छरना NT (BSI)

¹⁸ ईर आस ती मेना गे अरा तम्‍है रोगे ती उजगार'आ गे आसी गुसन बरचका रहचर। अरा नॆ मलदौ बॊलता गुट्ठी ती सतारका रहचर आरिन आस कोड़े नंजस।

लू‍कस 6:18 ပူးပေါင်းရင်းမြစ်များ

मत्तायोस 15:22

अय्या ता ओन्‍टा नन-यहूदी आली आस गुसन बरचा अरा चिच्चि‍यारा ती ब'आ हेलरा, “अना उर्बायो, दाऊदसी ख़द्दायो, एंगन सोग्‍गे ऎरा, एंग्‍दन नाद धरचकी र'ई, आद एंग्‍दन नगदे खिलपत नना लगी।”

मत्तायोस 17:15

अरा ब'आ हेलरस, “अना उर्बायो, एंग्‍दस मइय्याँ सोग्‍गे ऎरा। एन्‍देरगेका आस गे मिर्गी बर'ई अरा आस नगदे दुक्‍खे चॊद्दस, अरा घड़ी घड़ी चिच्‍ची नू अरा घड़ी घड़ी अम्मु नू खत्तरदस कादस

लू‍कस 6:17

तहाँ येसुस तंग्‍है बारा चेलर गने टुंगरी ती इत्तियस ती टोंका अड्डा नू इज्‍जस। आसी चेलर ही ओन्‍टा कोहाँ गोंहड़ा असन रहचा। अरा येरुसलॆम नगरे अरा यूदेया जिला ही नन्ना अड्डा अरा समुदर पिंडी ता नगरे तुरोस अरा सीदॊन ती बरचका ओन्‍टा कोहाँ गोंहड़ा हूँ असन रहचा।

लू‍कस 6:19

ओर्मर आसिन एंसड़'आ बेद्दा लगियर, एन्‍देरगेका आसी ती सवंग उरखरकी ओर्मारिन कोड़े ननालिया।

त‍इरकर 5:16

येरुसलॆम ही अड्डे-बेड्डे ता नगरे गुट्ठी ती हूँ बग्‍गे आलर रोगियारिन अरा मलदौ बॊलता गुट्ठी ती धरचका आलारिन ओन्‍द्र'आ लगियर, अरा आर ओर्मर कोड़े मना लगियर।