लू‍कस 5:8 - पुना गच्छरना NT (BSI)

⁸ सिमॊन पतरस इदिन ईरयस ती येसुसी ख़ेडमूली खत्तरस ती बाचस, “अना उर्बायो, एंग्‍है गुसले कला, एन्‍देरगेका ऎन पपहा आलन हिकदन, अरा निंग्‍है जॊगे मलकन।”

लू‍कस 5:8 ပူးပေါင်းရင်းမြစ်များ

मत्तायोस 17:6

चेलर मेंजर ती मुंही पाब खत्तरर अरा नगदे कोड़हे इल्‍चियर केरर।

मत्तायोस 2:11

अरा आ एड़पा नू कोरचर ती ख़द्दासिन तंग्यो मरियम गने ईरयर अरा मुलख़र‍र ती आसिन ऒड़ लग्‍गियर अरा तंम्‍है खुर्जी बकसन तिसगर ती सोना, लोबान अरा गन्‍धरस आस गे दान नंजर।

मत्तायोस 8:8

लिकिन रोमी सौ सैनर ही मुद्धस आनाकिर्ताचस, “उर्बायो, ऎन गा ई जॊगे मलकन का नीन एंग्‍है एड़पा भितरी बर'ओय। लिकिन ओन्‍टा कत्‍था लेका आना चि'आ होले एंग्‍है जॊंख़स उजगार'ओस।

लू‍कस 5:7

ख़ने आर तंग्‍है संगेरिन नॆ नन्ना डोंगा नू रहचर आरिन ख़ेक्खा ती मीख़ियर का बर'अरकी एमन सहाड़ा नना। अरा आर बरचर ती दुयो डोंगा नू निन्‍दर का डोंगा मुलख़ा बेद्दालिया।

लू‍कस 5:9

एन्‍देरगेका एन्ने बग्‍गे इंजो बज्झरा, ख़ने आस गे अरा आसी गने नॆ नॆ रहचर आर गे नगदे अकबक मंजा।

यॊहनस 11:32

लिकिन मरियम येसुस रहचस असन अंड़सिया अरा आसिन ईरिया ख़ने, आद आसी ख़ेडमूली खत्तरा ती बाचा, “उर्बायो, नीन इसन रहचका होले, एंग्‍है भ‍ईस मल खे'ओस दने।”

1 कोरिन्‍थ 13:12

अक्‍कु गा नाम मड़ख़का ऐना नू धुमलहा ऎरना बेसे धर्मेसिन बड़ियर मल ऎरदत, लिकिन ख़ॊख़ा नाम उर्मी कत्‍थन बड़ियर फरीफरी ऎरोत। अक्‍कुन ऎन जुक्‍किम दिम अख़दन, लिकिन ख़ॊख़ा धर्मेस एंगन एकासे बनेम अख़दस अन्नेम ऎन उर्मिन बनेम अख़'ओन।

दहदर मंजका कत्‍था 1:17

आसिन ईरकन ख़ने, ऎन आसी ख़ेड्डे नू केचका लेक्‍खा खत्रकन केरकन। ख़ने आस तंग्है तीना ख़ेक्खन एंग्है मइय्याँ नंजस ती बाचस, “अमा एल्‍चा, ऎन मुन्द ता अरा ख़ॊख़ा ता हिकदन।