लू‍कस 5:29 - पुना गच्छरना NT (BSI)

²⁹ तहाँ लेवीस तंग्‍है एड़पा नू येसुस गे ओन्‍टा कोहाँ मदी चिच्‍चस। अरा असन बग्‍गे मालगुजारी ऊज'उर अरा नन्ना आलर हूँ आर गने मंडी ओना उक्‍का रहचर।

लू‍कस 5:29 ပူးပေါင်းရင်းမြစ်များ

मत्तायोस 11:19

लिकिन मनवा ख़द्दस बने उन्नुम मॊख़नुम बरचस। ख़ने आर ब'अनर का ईस पेट पोसा अरा उंखुस अरा मलगुजारी ऊज'उर अरा पपहर ही संगेस हवे। लिकिन धर्मेसी लूर अदही लेक्‍खा ईकुर ही नलख ती आद मानिम एन्ने ईथर'ई।”

मत्तायोस 5:46

नीम निम्‍है गने चोन्‍हा ननुर ती लेका नीम चोन्‍हा नन्‍दर होले धर्मेस ती एन्‍देर इनाम ख़क्‍ख'ओर? मालगुजारी ऊज'उर हूँ एन्नेम अदिन नन्नर।

मत्तायोस 9:10

ख़ॊख़ा येसुस मत्तायोसी एड़पा नू मंडी ओना गे उक्‍कियस। बग्‍गे मालगुजारी ऊज‍'उर अरा पपहर बरचर अरा येसुस अरा आसी चेलर गने ओक्‍करकी ओना लगियर।

मत्तायोस 9:9

येसुस असले ती उरखस ख़ने, मत्तायोस नामे ओर्त आलासिन मालगुजारी ऊज'‍ऊ एड़पा नू उक्‍का ईरियस ती आसिन बाचस, “एंग्‍है गने गुचा।” ख़ने आस चॊचस ती आसी गने गुड़ियारस।

मरकुस 2:15

ख़ॊख़ा येसुस लेवीसी एड़पा नू मंडी ओना गे उक्‍कियस। येसुस अरा आसी चेलर गने बग्‍गे मालगुजारी ऊज'‍उर अरा पपहर ओक्‍करकी ओना लगियर, एन्‍देरगेका आसी ख़ॊख़ा बर'ऊ अन्ने आलर बग्‍गे रहचर।

लू‍कस 15:1

अक्‍कु येसुस गुसन ऊज'ऊ आलर अरा नन्ना पपहा आलर ओर्मर आसी कत्‍थन मेना गे बर'आलियर।

यॊहनस 12:2

अइय्या येसुसिन मईन नना गे आर आस गे मदी चिच्‍चर। मारथा ओन्ना-मॊख़ना ख़ट्टा लगिया। अरा येसुस गने ओन्ना आलर नू लाजरस हूँ ओर्तोस रहचस।

1 कोरिन्‍थ 10:27

मल पत्त'ऊ आलर ती ओर्तोस निमन मदी गे ऎड़दस अरा नीम असन काला बेद्ददर होले, असन एन्‍द्रा ओना मॊख़ा गे चीर'ई, निम्है लखना अदही पत्त नू बिड़दो इन्द्रिइम मल ब'अना चड्डे इन्द्रिइम बिगर मेंजकम अदिन ओना मॊख़ा ओंग्‍दर।